ప్రేమకు, స్నేహానికి మధ్య ఎప్పుడూ ఒక గీత ఉండాలి. పాఠశాల, కళాశాల రోజుల్లో చెప్పుకోలేకపోయిన ప్రేమకథలు చాలామంది మనసుల్లో ఒక తీపి జ్ఞాపకంగా ఉండిపోతాయి. కానీ, పాతికేళ్ల తర్వాత ఒక వాట్సాప్ గ్రూప్ వేదికగా చిగురించిన పాత ప్రేమ.. మూడు కుటుంబాల ప్రశాంతతను, ముగ్గురు మనుషుల ప్రాణాలను బలితీసుకుంది.
తిరువనంతపురంలో జరిగిన ఈ దారుణం అందరినీ వణికించింది. తన మొదటి ప్రేమను దక్కించుకోవడం కోసం భార్యను పథకం ప్రకారం చంపిన ప్రేమ్కుమార్ కథ, వివేకం కోల్పోయిన మనిషి ఎంతటి దారుణానికైనా ఒడిగడతాడని నిరూపించింది.
ఆ పరిచయం ఎలా మొదలైంది?
1994-95 కాలంలో తిరువనంతపురంలోని ఒక పాఠశాలలో వీరంతా కలిసి చదువుకున్నారు. పాతికేళ్ల తర్వాత పదో తరగతి బ్యాచ్ అంతా ఒక వాట్సాప్ గ్రూప్లో కలిశారు. అందరికీ అది పాత జ్ఞాపకాలను నెమరువేసుకునే వేదిక అయితే, ప్రేమకుమార్కు మాత్రం అది తన భార్య విద్య జీవితాన్ని అంతం చేసే కుట్రకు పునాది అయింది.
ప్రేమ.. హత్యకు దారితీసిన తీరు:
ఈ గ్రూప్ ద్వారా ప్రేమ్కుమార్, తన పాత స్నేహితురాలు సునీత మళ్ళీ కలిశారు. స్కూల్ రోజుల్లో చెప్పుకోని ప్రేమను ఇప్పుడు మెసేజ్ల ద్వారా పంచుకున్నారు.
హైదరాబాద్లో నర్సుగా పనిచేస్తున్న సునీత, తన ఉద్యోగాన్ని, కుటుంబాన్ని వదిలేసి ప్రేమ్కుమార్తో ఉండటానికి తిరువనంతపురం వచ్చేసింది. వీరిద్దరూ రహస్యంగా ఒక ఇల్లు అద్దెకు తీసుకుని ఉండటం మొదలుపెట్టారు.
ఈ విషయం భార్య విద్యకు తెలియడంతో గొడవలు మొదలయ్యాయి. అడ్డుగా ఉన్న భార్యను వదిలించుకోవాలని ప్రేమ్, సునీత కలిసి ప్లాన్ వేశారు.
సినిమా ఫక్కీలో హత్య:
2018 సెప్టెంబర్ 20: ఆయుర్వేద చికిత్స పేరుతో విద్యను ప్రేమ్ తిరువనంతపురం రప్పించాడు. అర్ధరాత్రి ఆమెకు మద్యం తాగించి స్పృహ కోల్పోయేలా చేశాడు.
హత్య: తెల్లవారుజామున 2 గంటలకు ఆమె గొంతుకు తాడు బిగించి హత్య చేశాడు. ఆమె చనిపోయిందని నిర్ధారించుకోవడానికి సునీత స్వయంగా గుండె చప్పుడు పరీక్షించింది.
సాక్ష్యాల చెరిపివేత: ‘దృశ్యం’ సినిమా తరహాలో పోలీసులను తప్పుదోవ పట్టించడానికి విద్య ఫోన్ను ఒక రైలులోని చెత్తబుట్టలో పడేశాడు. భార్య కనిపించడం లేదని తానే స్వయంగా పోలీస్ స్టేషన్లో ఫిర్యాదు చేశాడు.
బయటపడ్డ నిజాలు:
తమిళనాడులోని వల్లియూరు సమీపంలో గుర్తుతెలియని మృతదేహం లభించడంతో పోలీసుల అనుమానం ప్రేమ్ వైపు మళ్లింది. విచారణలో ప్రేమ్ తన ఫోన్ నుండి పంపిన ఒక వాయిస్ మెసేజ్ “నేను ఆమెను చంపాల్సి వచ్చింది” అని దొరకడంతో అసలు రంగు బయటపడింది.
మరో రెండు హత్యలు:
ఈ క్రూరత్వం అక్కడితో ఆగలేదు. జైలు నుండి బెయిల్ మీద వచ్చిన ప్రేమ్కుమార్ మరో పెళ్లి చేసుకున్నాడు. కానీ ఆ తర్వాత తన కొత్త భార్యను, ఆమె తల్లిని కూడా అయాళ్లే హత్య చేసినట్లు దిగ్భ్రాంతికరమైన విషయాలు వెలుగులోకి వచ్చాయి. ఒక వాట్సాప్ మెసేజ్తో మొదలైన ఈ వివాహేతర సంబంధం చివరకు మూడు ప్రాణాలను బలితీసుకుంది.
Leave a Reply