బెర్ముడా నుంచి 4 గురు కెనడా జాతీయులతో సహా మొత్తం 6 గురితో అమెరికాలోని బోస్టన్ వైపు వెళ్తున్న ‘లాటిట్యూడ్ ఎయిర్ అంబులెన్స్’ విమానం, అమెరికాలోని నాన్‌టకెట్ తీరం వద్ద అకస్మాత్తుగా గల్లంతవడం తీవ్ర కలకలం రేపుతోంది.
కెనడాలోని అంటారియో ప్రావిన్స్‌కు చెందిన ఈ ప్రైవేట్ మెడికల్ అంబులెన్స్ విమానం, బెర్ముడా నుంచి ఒక రోగిని మరియు వారి బంధువును తీసుకెళ్తుండగా, నడిగగనంలో అత్యవసర పరిస్థితిని (ఎమర్జెన్సీని) ప్రకటించి కంట్రోల్ రూమ్‌తో సంబంధాలు తెగిపోయాయి.
ఈ విమానంలో ప్రయాణిస్తున్న ఇద్దరు పైలట్లు, ఇద్దరు వైద్య సిబ్బంది మొత్తం నలుగురు కెనడా దేశస్తులని, రోగితో సహా ఇద్దరు వేరే దేశానికి చెందినవారని సమాచారం. శనివారం తెల్లవారుజామున 1.30 గంటల ప్రాంతంలో విమానంతో సంబంధాలు పూర్తిగా తెగిపోయాయి.
కంట్రోల్ రూమ్‌తో సంబంధాలు తెగిపోవడానికి ముందు, ఆ విమానం సుమారు 24,000 అడుగుల ఎత్తు నుంచి 11,000 అడుగుల ఎత్తుకు అకస్మాత్తుగా పడిపోయినట్లు విమానయాన సమాచారం ద్వారా తెలుస్తోంది. ప్రస్తుతం అమెరికా కోస్ట్ గార్డ్, హెలికాప్టర్లు మరియు పడవల ద్వారా నాన్‌టకెట్ సముద్ర ప్రాంతంలో ముమ్మరంగా గాలింపు చర్యలు చేపడుతోంది.
విమానంలో ఉన్న వారందరినీ సురక్షితంగా రక్షించాలని ప్రార్థిస్తున్నట్లు కెనడా ప్రభుత్వం, బెర్ముడా ప్రధానమంత్రి తెలిపారు. కెనడా, అమెరికా సహాయక బృందాలు సంయుక్తంగా ఈ గాలింపు చర్యలను ముమ్మరంగా కొనసాగిస్తున్నాయి.