అక్తర్ రికార్డును బద్దలు కొట్టిన షాహీన్ షా ఆఫ్రిది.. 150 వికెట్లు పడగొట్టి ప్రపంచ క్రికెట్ జాబితాలో 2వ స్థానానికి ఎగబాకిన పాకిస్థాన్ కెప్టెన్.. 80 మ్యాచ్‌ల్లో సరికొత్త రికార్డు.!

పాకిస్థాన్ స్టార్ ఫాస్ట్ బౌలర్, జట్టు కెప్టెన్ షాహీన్ షా ఆఫ్రిది వన్డే అంతర్జాతీయ క్రికెట్‌లో 150 వికెట్లు పడగొట్టి సరికొత్త మైలురాయిని చేరుకున్నాడు.

లాహోర్‌లోని గడ్డాఫీ స్టేడియంలో ఇంగ్లండ్‌తో జరిగిన ముక్కోణపు వన్డే సిరీస్‌లోని 4వ మ్యాచ్‌లో అతడు ఈ చారిత్రాత్మక రికార్డును నెలకొల్పాడు.

ఈ మ్యాచ్‌కు ముందు 149 వికెట్లతో బరిలోకి దిగిన షాహీన్ ఆఫ్రిది.. కొత్త బంతితో వేసిన తొలి ఓవర్‌లోనే తన 150వ వికెట్‌ను సొంతం చేసుకున్నాడు. ఇంగ్లండ్ ఓపెనర్ టామ్ బాంటన్ ఇచ్చిన సులువైన క్యాచ్‌ను అరాఫత్ మిన్హాస్ పట్టుకోవడంతో, షాహీన్ ఆఫ్రిది తన 150వ వికెట్‌ను ఖాతాలో వేసుకుని చారిత్రక రికార్డుల జాబితాలో చోటు దక్కించుకున్నాడు.

తన 80వ వన్డే మ్యాచ్‌లో ఈ ఘనత సాధించడం ద్వారా, ప్రపంచ క్రికెట్‌లో అత్యంత వేగంగా 150 వికెట్లు తీసిన ఫాస్ట్ బౌలర్ల జాబితాలో ఆస్ట్రేలియాకు చెందిన మిచెల్ స్టార్క్ (77 మ్యాచ్‌లు) తర్వాత 2వ స్థానాన్ని, అలాగే ఓవరాల్ బౌలర్ల జాబితాలో సంయుక్తంగా 4వ స్థానాన్ని షాహీన్ ఆఫ్రిది కైవసం చేసుకున్నాడు.

గత 2018లో అఫ్గానిస్థాన్‌పై వన్డేల్లో అరంగేట్రం చేసిన షాహీన్ ఆఫ్రిది.. అప్పటినుంచి పాకిస్థాన్ వైట్ బాల్ జట్టుకు ప్రధాన బౌలర్‌గా కొనసాగుతున్నాడు. సగటున 24 పరుగులకు ఒక వికెట్, 27 బంతులకు ఒక వికెట్ చొప్పున తీస్తూ, ప్రస్తుత అంతర్జాతీయ క్రికెట్‌లోని అత్యుత్తమ ఫాస్ట్ బౌలర్లలో ఒకడిగా తన హవా కొనసాగిస్తున్నాడు.