మధ్యప్రదేశ్ రాష్ట్రంలో ఓ వ్యక్తి ప్రాణమున్న పామును చేతిలో పట్టుకుని చేసిన ప్రమాదకర విన్యాసాలకు సంబంధించిన దృశ్యాలు సోషల్ మీడియాలో తీవ్ర కలకలం రేపుతున్నాయి.
రోడ్డు పక్కన కూర్చున్న ఆ వ్యక్తి, ‘మే నాగిన్ తూ సపేరా’ అనే బాలీవుడ్ పాట బ్యాక్‌గ్రౌండ్‌లో వస్తుండగా పాముతో వింత సాహసాలు చేశాడు. పాము నోటిని తన పెదాలు, గడ్డం దగ్గరకు తీసుకెళ్లి, ఏమాత్రం భయం లేకుండా ముద్దు పెడుతున్నట్లుగా ప్రవర్తించాడు.
అంతటితో ఆగకుండా, ఆ పాము తనను కాటేసేలా కూడా అతడు అనుమతించాడు. పాము విషం గురించి ఏమాత్రం పట్టించుకోకుండా అతడు చేసిన ఈ ప్రాణాంతక చేష్టలను చూసి, అటుగా వెళ్తున్న యువకులు భయభ్రాంతులకు గురై తమ మొబైల్ ఫోన్లలో రికార్డ్ చేశారు.
‘dev_amole_ji’ అనే ఇన్‌స్టాగ్రామ్ పేజీలో పోస్ట్ చేసిన ఈ వీడియో ప్రస్తుతం లక్షలాది వ్యూస్‌తో నెట్టింట వైరల్ అవుతోంది. దీన్ని చూసిన నెటిజన్లు ఆ వ్యక్తి చేసిన విపరీతమైన సాహసాన్ని చూసి ఆశ్చర్యపోతున్నారు.
అయితే, వన్యప్రాణులతో ముఖ్యంగా విషపాములతో ఇలాంటి ప్రమాదకర విన్యాసాలు చేయడం ప్రాణాలకే ముప్పని, ఎవరూ ఇలాంటి పనులకు ఒడిగట్టకూడదని నిపుణులు గట్టిగా హెచ్చరిస్తున్నారు.