తైవాన్‌కు సుమారు రూ. 92,000 కోట్ల విలువైన అత్యాధునిక ఆయుధాలను సరఫరా చేసేందుకు అమెరికా అధ్యక్షుడు డొనాల్డ్ ట్రంప్ ఆమోదం తెలిపారు. ఈ ఒప్పందం ద్వారా తైవాన్‌కు 82 హైమార్స్‌ (HIMARS) రాకెట్ వ్యవస్థలు మరియు 420 క్షిపణులు అందనున్నాయి. ఈ చర్య చైనా సైనిక బలాన్ని అడ్డుకునే విధంగా ఉండటంతో బీజింగ్ తీవ్ర ఆగ్రహం వ్యక్తం చేస్తోంది. ఈ ఆయుధాల సరఫరా తైవాన్ జలసంధి ప్రాంతంలో యుద్ధ వాతావరణాన్ని సృష్టించిందని చైనా భావిస్తోంది.
చైనా హెచ్చరిక: చైనా విదేశీ వ్యవహారాల మంత్రిత్వ శాఖ అమెరికాను హెచ్చరిస్తూ.. అమెరికా తనపై తాను నిప్పును పోసుకుంటున్నట్లుగా అభివర్ణించింది. చైనా సార్వభౌమాధికారానికి ముప్పు వాటిల్లితే కఠిన చర్యలు తీసుకుంటామని హెచ్చరించింది. మరోవైపు, తైవాన్‌పై దాడి చేసేందుకు వీలుగా రష్యా సైనిక సామాగ్రిని అందిస్తూ చైనాకు సహకరిస్తోందని నిఘా వర్గాలు సమాచారం ఇస్తున్నాయి. దీనివల్ల అంతర్జాతీయ స్థాయిలో తీవ్ర ఉద్రిక్తత నెలకొంది.