అయ్యో పాపం. వీధిలో నడుచుకుంటూ వెళ్తున్న చిన్నారిపై కూలిన విద్యుత్ స్తంభం. క్షణాల్లో పోయిన ప్రాణం. యు.పి లో షాకింగ్ ఘటన.!

ఉత్తరప్రదేశ్ రాష్ట్రం హర్దోయ్ జిల్లా పహ్వాన్ గ్రామానికి చెందిన రాగిణి శుక్లా అనే చిన్నారి, ఆ ప్రాంతంలోని పాఠశాలలో 9వ తరగతి చదువుతోంది.

ఎప్పటిలాగే బడి ముగిసిన తర్వాత ఇంటికి వచ్చిన ఆ విద్యార్థిని, నిన్న సాయంత్రం తన స్నేహితురాలితో కలిసి గ్రామంలోని కిరాణా షాపునకు నడుచుకుంటూ వెళ్లింది.

వీధిలో వారిద్దరూ నడుచుకుంటూ వెళ్తున్న సమయంలో, అక్కడ ఏర్పాటు చేసిన విద్యుత్ స్తంభం ఊహించని విధంగా హఠాత్తుగా విరిగి చిన్నారి రాగిణిపై బలంగా పడింది. ఈ ప్రమాదంలో తీవ్రంగా గాయపడిన రాగిణి ఘటనా స్థలంలోనే పరితాపకరంగా ప్రాణాలు కోల్పోయింది.

సమాచారం అందుకుని ఘటనా స్థలానికి వేగంగా చేరుకున్న పోలీసులు, చిన్నారి మృతదేహాన్ని స్వాధీనం చేసుకుని పోస్టుమార్టం నిమిత్తం ఆసుపత్రికి తరలించారు. అంతేకాకుండా, ఈ ఘటనపై కేసు నమోదు చేసి విచారణ జరుపుతుండగా, ఈ సంఘటన ఆ ప్రాంతంలో తీవ్ర దిగ్భ్రాంతిని, విషాదాన్ని నింపింది.