మధ్యప్రదేశ్: మధ్యప్రదేశ్ రాష్ట్రంలోని మందసౌర్‌లో, అర్ధరాత్రి వేళ జనావాసాల మధ్య నివాసితులకు ఇబ్బంది కలిగిస్తూ అసభ్యకరంగా ప్రవర్తించిన ఒక ప్రభుత్వ వైద్యుడు మరియు అతని స్నేహితుడి కుటుంబంపై పోలీసులు చర్యలు తీసుకున్నారు.
స్థానికంగా ఉన్న ఒక ఇంట్లో, ఒక ప్రభుత్వ వైద్యుడు తన స్నేహితుడి భార్యతో కలిసి అసభ్యకరమైన పాటలకు అత్యంత జుగుప్సాకరంగా డ్యాన్స్ చేశాడు. విడ్డూరం ఏమిటంటే, ఈ తతంగాన్ని ఆ మహిళ భర్త పక్కనే కూర్చుని ఆస్వాదించడం. అర్ధరాత్రి వేళ పెద్ద శబ్దంతో మ్యూజిక్ పెట్టి, అనాగరికమైన రీతిలో వీరు చేసిన రచ్చ పొరుగువారికి తీవ్ర అసహనాన్ని కలిగించింది.
ఎంత సమయం గడిచినా వీరి ఆగడాలు తగ్గకపోవడంతో, విసిగిపోయిన స్థానికులు పోలీసులకు సమాచారం అందించారు. ఘటనా స్థలానికి చేరుకున్న పోలీసులు, బహిరంగ శాంతికి భంగం కలిగించినందుకు గాను ఆ వైద్యుడు, అతని స్నేహితుడు మరియు అతని భార్య.. ముగ్గురినీ అదుపులోకి తీసుకుని పోలీస్ స్టేషన్‌కు తరలించారు.
తమ ఇంటిని ఒక సర్కస్లా మార్చేసి, చుట్టుపక్కల వారికి ఇబ్బంది కలిగించేలా ప్రవర్తించిన వీరి తీరుపై సర్వత్రా విమర్శలు వ్యక్తమవుతున్నాయి. “ఆధునిక స్వేచ్ఛ పేరుతో హుందాతనాన్ని, పరిమితులను అతిక్రమించడం అంగీకారం కాదు. నిజమైన మహిళా సాధికారత అంటే ప్రజలకు ఇబ్బంది కలిగించడం లేదా అసభ్యంగా ప్రవర్తించడం కాదు” అని సామాజిక కార్యకర్తలు తమ అసంతృప్తిని వ్యక్తం చేశారు. ప్రస్తుతం ఈ ఘటన ఆ ప్రాంతంలో పెద్ద సంచలనంగా మారింది.