How to peel small onion: చిన్న ఉల్లిపాయల పొట్టు తీయడానికి ఒక సులభమైన చిట్కాను ఇప్పుడు చూద్దాం. సాధారణంగా చిన్న ఉల్లిపాయలు వలిచేటప్పుడు సమయం ఎక్కువగా తీసుకోవడమే కాకుండా, కళ్లు కూడా బాగా మండుతాయి.
అలా జరగకుండా ఉండాలంటే ఏం చేయాలో తెలుసుకోండి.
ఉల్లిపాయలు వలవడం లేదా కోయడం అంటే చాలా మంది ఆ పనికి దూరంగా ఉంటారు. మరికొందరైతే, “అయ్యో కళ్లు మండుతున్నాయి, ఈ ఉల్లిపాయలను ఎవరు కనిపెట్టారో ఏంటో” అని తిట్టుకుంటూ ఉంటారు.
అందులోనూ చిన్న ఉల్లిపాయల (సాంబార్ ఉల్లిపాయలు) పొట్టు తీయడం అంటే ఒక పెద్ద సవాలే. అత్యవసర సమయంలో వీటిని వలవడం అస్సలు సాధ్యపడదు. కత్తితో ఎంత ప్రయత్నించినా పొట్టు తీయడం కొంచెం కష్టంగానే ఉంటుంది, పైగా కళ్లు కూడా మండుతాయి.
అందుకే చిన్న ఉల్లిపాయలను సులభంగా వలవడానికి ఈ పద్ధతిని అనుసరించండి:
- మొదట మీకు కావలసిన చిన్న ఉల్లిపాయలకి అటు ఇటు ఉండే వేరు భాగాన్ని, తల భాగాన్ని కత్తితో కట్ చేసుకోండి.
- ఇలా కట్ చేసిన ఉల్లిపాయలను వెంటనే ఒక గిన్నెలోని నీళ్లలో వేయండి.
- నీళ్లలో వేసిన ఉల్లిపాయలను సుమారు 20 నిమిషాల పాటు నాననివ్వాలి.
- ఆ తర్వాత తీసి చూస్తే, పొట్టు చాలా మెత్తబడి ఉంటుంది. కేవలం చేతులతోనే చాలా సులభంగా పొట్టును ఒలిచేయవచ్చు.