తన జీవితమంతా కుటుంబం కోసం కష్టపడి, ఎన్నో ఆనందాలను తన కోసం త్యాగం చేసిన తండ్రికి, ఒక కుమారుడు వందే భారత్ రైలులో మరచిపోలేని ప్రయాణాన్ని కానుకగా ఇచ్చి ఆకట్టుకున్నాడు.
‘బుక్కట్ ముసాఫిర్’ అనే ఇన్స్టాగ్రామ్ పేజీలో శ్రీకాంత్, నూపూర్ దంపతులు పంచుకున్న ఈ వీడియో, ప్రస్తుతం సోషల్ మీడియాలో లక్షలాది మంది దృష్టిని ఆకర్షిస్తూ విపరీతంగా వ్యాపిస్తోంది.
ఆ వైరల్ వీడియోలో, వృద్ధుడైన తండ్రి రైల్వే ప్లాట్ఫారమ్పై ప్రశాంతంగా వేచి ఉన్న దృశ్యంతో ప్రారంభమవుతుంది. ఆ తర్వాత, దేశంలోనే అత్యంత ఆధునికమైన వందే భారత్ ఎక్స్ప్రెస్ రైలు ఎక్కిన ఆయన, తన లగ్జరీ సీటులో కూర్చుని, పెద్ద గాజు కిటికీ గుండా బయట కనిపిస్తున్న ప్రకృతి అందాలను ఆశ్చర్యంతో, చిరునవ్వుతో ఆస్వాదిస్తూ ప్రయాణిస్తున్నారు. తన జీవితంలో మొదటిసారిగా ఇటువంటి ఆధునిక రైలులో ప్రయాణిస్తున్న ఆ తండ్రి ముఖంలో కనిపిస్తున్న సంతోషం, ప్రశాంతత చూసేవారి మనసులను భావోద్వేగానికి గురిచేస్తున్నాయి.
ఈ వీడియోతో పాటు జత చేసిన భావోద్వేగభరితమైన వాక్యాలు పలువురిని కంటతడి పెట్టించాయి. అందులో, “ఆ రోజుల్లో కేవలం ₹5 ఆటో ఛార్జీని ఆదా చేసి, ఆ డబ్బును కుటుంబం కోసం దాచడానికి మా నాన్న ప్రతిరోజూ ఆఫీస్కు నడిచే వెళ్లేవారు. కానీ ఈ రోజు, నా తండ్రికి సౌకర్యవంతమైన జీవితాన్ని అందించడానికి నా వల్ల అయినంత ఎక్కువ డబ్బు ఖర్చు చేయడానికి, ఆయనను సంతోషపెట్టడానికి నేను సిద్ధంగా ఉన్నాను” అని కుమారుడు ఆవేదనగా పోస్ట్ చేశాడు.
ఇంటర్నెట్లో వెలువడిన ఈ వీడియోను చూసిన నెటిజన్లు పలువురు తమ అభిప్రాయాలను పోస్ట్ చేస్తున్నారు. తల్లిదండ్రులు తమ కోసం చేసిన త్యాగాలను గుర్తుచేసుకుని, వారికి తిరిగి ప్రేమను పంచడం, ఇటువంటి సౌకర్యవంతమైన అనుభవాలను అందించడమే ఒక కుమారుడి నిజమైన విజయమని పలువురు భావోద్వేగంతో ప్రశంసిస్తున్నారు. త్యాగం చేసిన తండ్రి ముఖంలో మెరిసే ఈ చిన్నారి చిరునవ్వు నెటిజన్ల హృదయాలను గెలుచుకుంది.