భారత ఆర్థిక రాజధాని ముంబైలో రియల్ ఎస్టేట్, ఇళ్ల ధరలు ఆకాశాన్ని తాకేలా ఎలా పెరిగిపోయాయో పూసగుచ్చినట్లు వివరిస్తూ భారత సంతతికి చెందిన ఒక యువకుడు చేసిన పోలిక వీడియో ప్రస్తుతం సోషల్ మీడియాలో విపరీతంగా వైరల్ అవుతోంది.
₹17 కోట్ల బడ్జెట్‌లో ముంబైలో దక్కే ఒక లగ్జరీ ఇల్లు, అదే మొత్తానికి యూరోపియన్ దేశమైన పోలాండ్‌లో లభించే ఒక బ్రహ్మాండమైన ప్యాలెస్ లాంటి భవనాన్ని పోలుస్తూ అతను విడుదల చేసిన వీడియో రియల్ ఎస్టేట్ మార్కెట్ విచిత్ర ధోరణిని కళ్లకు కట్టినట్లు చూపించింది.
ముంబైలో ₹17 కోట్లకు ప్రీమియం అపార్ట్‌మెంట్‌లో కొద్ది వేల చదరపు అడుగుల ఫ్లాట్ మాత్రమే లభిస్తుండగా, అదే మొత్తంతో పోలాండ్‌లో ఎకరాల విస్తీర్ణంలో భారీ తోట, స్విమ్మింగ్ పూల్, సరస్సులతో కూడిన ఒక రాజప్రసాదం లాంటి విల్లానే కొనుగోలు చేయవచ్చని అతను ఆ వీడియోలో స్పష్టంగా చూపించాడు.
ఈ విస్తుపోయే పోలికను చూసిన నెటిజన్లు, ప్రజలు తీవ్ర ఆవేదన వ్యక్తం చేస్తున్నారు. “ముంబైలో ఇళ్ల ధరలు అతిగా పెరిగిపోయి, సామాన్య, మధ్యతరగతి ప్రజల కలలకు సైతం అందనంత దూరంలోకి వెళ్లిపోయాయి” అని వాపోతున్నారు.
అంతర్జాతీయ అగ్ర నగరాలతో సమానంగా, అంతకంటే ఎక్కువ రేట్లకు భారతదేశంలో ఇళ్లు అమ్ముడుపోవడంపై ఇప్పుడు పెద్ద ఎత్తున చర్చ మొదలైంది. వేల కోట్ల పెట్టుబడులు వచ్చే మహానగరమైనప్పటికీ, సాధారణ స్థలానికే కోట్లు కుమ్మరించాల్సిన దయనీయ పరిస్థితి ముంబైలో నెలకొందని ఈ ఘటన తేటతెల్లం చేసింది.
ఇంటర్నెట్‌లో దావానలంలా వ్యాపిస్తున్న ఈ వీడియోను చూసిన నెటిజన్లు, “భారతదేశంలో రియల్ ఎస్టేట్ రంగం ఎంతగా భగ్గుమంటోందో చెప్పడానికి ఈ ఒక్క వీడియో చాలు బాబూ!” అంటూ ఆశ్చర్యం, వేదనతో కూడిన కామెంట్లు పెడుతున్నారు.
Leave a Reply