స్పెయిన్ దేశపు సాంప్రదాయ క్రీడ అయిన ‘ Billarda , భారతదేశంలో శతాబ్దాల కాలంగా ఆడుతున్న పురాతన గ్రామీణ క్రీడ ‘కర్రబిళ్ళ’ ను అచ్చం పోలి ఉన్న వీడియో ఒకటి ప్రస్తుతం సోషల్ మీడియాలో విడుదలై విపరీతంగా వైరల్ అవుతోంది.
ఇంటర్నెట్లో చక్కర్లు కొడుతున్న ఆ వీడియోలో, స్పెయిన్లో ఆడే ఈ ‘బిల్లాార్డా’ పోటీ నియమాలు, అందులో ఉపయోగించే కర్రల ఆకారం.. భారతదేశంలో ఆడే గిల్లీ-దండా ఆటలాగే ఉన్నాయని నెటిజన్లు గుర్తుచేస్తున్నారు. భారతదేశపు సాంప్రదాయ కళలు మరియు క్రీడల రూపాలు శతాబ్దాల క్రితమే ప్రపంచవ్యాప్తంగా విస్తరించాయా? అనే ఆశ్చర్యకరమైన చర్చకు ఈ ఘటన తెరలేపింది.
నెటిజన్ల ఉద్వేగం – సంరక్షణపై డిమాండ్:
ప్రపంచవ్యాప్తంగా జరుగుతున్న ఈ రెండు ఆటల పోలికల వీడియో సోషల్ మీడియా వినియోగదారుల మధ్య ఒక పెద్ద చర్చనీయాంశంగా మారింది. దీనిని చూసిన భారతీయ నెటిజన్లు.. భారతదేశం తన స్వంత సాంప్రదాయ మరియు గ్రామీణ క్రీడలను గౌరవించి, వాటిని అంతరించిపోకుండా కాపాడుకోవాల్సిన అవసరం ఎంతైనా ఉందని తమ అభిప్రాయాల ద్వారా బలంగా నొక్కి చెబుతున్నారు.