“ఇదేం పాడు పని.. వీటిని కూడా వదలరా..!” రాత్రి పూట ఇతగాడి పని ఇదేనా..? మ్యాన్‌హోల్ మూతలను చోరీ చేసిన యువకుడు.. అర్ధరాత్రి పెట్రోలింగ్ పోలీసులకు చిక్కిన కిలాడీలు.. షాకింగ్ వీడియో..!!

గుజరాత్ రాష్ట్రం అహ్మదాబాద్‌లో నివాస ప్రాంతాలు, వాణిజ్య సముదాయాల బయట ఏర్పాటు చేసిన ఇనుప డ్రైనేజీ (మ్యాన్‌హోల్) మూతలను, గ్రిల్స్‌ను దొంగిలిస్తున్న 26 ఏళ్ల యువకుడిని స్థానిక క్రైమ్ బ్రాంచ్ పోలీసులు అరెస్టు చేశారు.

సర్ఖేజ్ ప్రాంతంలో రాత్రిపూట గస్తీ (పెట్రోలింగ్) నిర్వహిస్తున్న పోలీసులకు అందిన రహస్య సమాచారం ఆధారంగా, అర్షద్ పఠాన్ అనే యువకుడిని అదుపులోకి తీసుకుని విచారించారు. ఈ విచారణలో అతను మ్యాన్‌హోల్ మూతలను చోరీ చేసినట్లు నిర్ధారణ అయింది. అరెస్టయిన నిందితుడి నుంచి సుమారు 167 కిలోల బరువున్న 5 ఇనుప డ్రైనేజీ మూతలు, చోరీకి ఉపయోగించిన ఒక ద్విచక్ర వాహనాన్ని స్వాధీనం చేసుకున్నారు. స్వాధీనం చేసుకున్న సొత్తు మొత్తం విలువ రూ. 54,000 ఉంటుందని పోలీసులు తెలిపారు.

రాత్రి సమయాల్లో పెద్ద అపార్ట్‌మెంట్లు, దుకాణాల బయట ఉండే ఇనుప మూతలను మాత్రమే లక్ష్యంగా చేసుకుని ఇతను చోరీలకు పాల్పడుతున్నట్లు విచారణలో తేలింది. ఈ ఒక్క అరెస్టుతో ఆ ప్రాంతంలో జరిగిన రెండు దొంగతనాల కేసులు కొలిక్కి వచ్చాయి.

ఈ కేసులో పరారీలో ఉన్న అల్హాజ్ షేక్ అనే మరో నిందితుడి కోసం పోలీసులు తీవ్రంగా గాలిస్తున్నారు. అహ్మదాబాద్ నగరవ్యాప్తంగా జరిగిన ఇతర చోరీలతో వీరికి ఏమైనా సంబంధం ఉందా అనే కోణంలోనూ పోలీసులు దర్యాప్తు కొనసాగిస్తున్నారు.