బెంగళూరు: కర్ణాటక రాష్ట్రంలోని ఒక అపార్ట్మెంట్లో ఈ ఘోర సంఘటన జరిగింది. తాళి కట్టిన భర్త దారుణ హత్యకు గురై పడి ఉండగా.. కన్నకొడుకు రక్తపు మడుగులో ప్రాణాల కోసం కొట్టుమిట్టాడుతున్నాడు. కానీ, ఆ మహిళ అవేమీ పట్టించుకోకుండా, అదే ప్రదేశంలో కూర్చుని తన సెల్ఫోన్లో రీల్స్ చూస్తూ ఉండిపోయింది. ఊహకందని ఈ ఘోర ఉదంతం కర్ణాటక రాష్ట్రంలో వెలుగుచూసింది.
కర్ణాటక రాష్ట్రం ధార్వాడ్ విశ్వవిద్యాలయం రోడ్డు సమీపంలో ఉన్న ఒక అపార్ట్మెంట్లో కిరణ్ హొన్నన్నవర్ నివసిస్తున్నారు. ఈయన వృత్తిరీత్యా డాక్టర్. అక్కడ ఒక ప్రైవేట్ ఆసుపత్రిలో అనస్థీషియా నిపుణుడిగా (మత్తు మందు ఇచ్చే డాక్టర్గా) పనిచేస్తున్నారు.
కర్ణాటక డాక్టర్ దంపతులు ఆయన భార్య పేరు ప్రియ. ఈమె కూడా డాక్టరే.. నేత్ర వైద్య నిపుణురాలిగా (కంటి డాక్టర్గా) పనిచేస్తున్నారు. ఈ దంపతులకు 10 ఏళ్ల నిఖిత్ సహా ముగ్గురు కుమారులు ఉన్నారు.
నిన్నటి రోజున కిరణ్ బంధువులు ఆయనను ఫోన్ ద్వారా సంప్రదించడానికి ప్రయత్నించారు. అయితే ప్రియ ఫోన్ ఎత్తి, తన భర్త విశ్రాంతి తీసుకుంటున్నారని చెప్పింది. ఆ తర్వాత బంధువులు మళ్లీ ఫోన్ చేశారు.. కానీ చాలా సేపటి వరకు ఎలాంటి సమాధానం రాలేదు.
దీంతో అనుమానం వచ్చిన బంధువులు ఆ అపార్ట్మెంట్కు వెళ్లి చూశారు. అక్కడ కిరణ్ కత్తిపోట్లకు గురై రక్తపు మడుగులో ప్రాణాలు కోల్పోయి పడి ఉండటం చూసి వారు తీవ్ర దిగ్భ్రాంతికి లోనయ్యారు.
రక్తపు మడుగులో ప్రియ కొడుకు అదే గదిలో, తీవ్ర రక్త గాయాలతో ప్రాణాపాయ స్థితిలో కొడుకు నిఖిత్ పడి ఉన్నాడు. ప్రాణాల కోసం కొట్టుమిట్టాడుతున్న కొడుకు పక్కనే పడుకుని ప్రియ తన సెల్ఫోన్ చూసుకుంటూ ఉంది. ఈ దృశ్యం చూసి బంధువులంతా షాక్కు గురయ్యారు. వెంటనే దీనిపై పోలీసులకు సమాచారం అందించారు.
పోలీస్ కమిషనర్ శశికుమార్ నేతృత్వంలోని బృందం ఘటనా స్థలానికి చేరుకుని, గాయపడిన బాలుడిని రక్షించి ఆసుపత్రికి తరలించారు. ప్రస్తుతం అతనికి అత్యవసర చికిత్స అందిస్తున్నారు. మరణించిన కిరణ్ మృతదేహాన్ని పోస్ట్మార్టం నిమిత్తం ఆసుపత్రికి పంపించారు.
ఇన్సులిన్ ఇంజెక్షన్ ప్రియే తన భర్తను, కొడుకును కత్తితో పొడిచి ఉండవచ్చనే అనుమానంతో పోలీసులు ఆమెను విచారించడం ప్రారంభించారు. అయితే, ఆమె పొంతన లేని సమాధానాలు చెప్పింది.
దీంతో తదుపరి విచారణను తీవ్రతరం చేయగా, ప్రస్తుతం కొన్ని అదనపు వివరాలు వెలుగులోకి వచ్చాయి. ప్రియా తన భర్తను చంపి, కొడుకును గాయపరిచిన తర్వాత.. తనను తాను గాయపరుచుకోవడానికి లేదా ఆత్మహత్య చేసుకోవడానికి ప్రయత్నించి ఉండవచ్చని పోలీసులు భావిస్తున్నారు.
చికిత్స పొందుతున్న ప్రియ అందుకే ప్రియా తనకు తానుగా భారీ మోతాదులో ఇన్సులిన్ ఇంజెక్షన్ ఇచ్చుకున్నట్లు కనుగొన్నారు. దీంతో వెంటనే ఆమెను చికిత్స నిమిత్తం ఆసుపత్రిలో చేర్చారు. ఆమె ప్రస్తుతం స్పృహలో లేకపోవడం వల్ల, ఆమె నుండి పూర్తి వాంగ్మూలం సేకరించడంలో ఇబ్బందులు ఎదురవుతున్నాయి. వైద్యుల అనుమతి లభించిన వెంటనే ఆమెను విచారించాలని పోలీసులు యోచిస్తున్నారు.
అదేవిధంగా, సంఘటన జరిగిన ఇంట్లోకి బయటి వ్యక్తులు ఎవరూ ప్రవేశించినట్లు ఎలాంటి ఆధారాలు లేవని విచారణలో తేలింది. అపార్ట్మెంట్ సీసీటీవీ (CCTV) ఫుటేజీలో కూడా ఈ విషయం స్పష్టమైంది. అందువల్ల ఈ ఘోరానికి పాల్పడింది ఇంట్లో ఉన్న వ్యక్తి మాత్రమేనని ప్రాథమికంగా నిర్ధారణకు వచ్చారు.
మానసిక సమస్యలా? మరోవైపు ప్రియ మానసిక స్థితిపై కూడా అనుమానాలు వ్యక్తమవుతున్నాయి. కొడుకును గాయపరిచి, అతడు ప్రాణాల కోసం పోరాడుతున్న సమయంలో ఆమె ప్రశాంతంగా సెల్ఫోన్ చూస్తున్న తీరు.. ఆమెకు ఏదైనా మానసిక సమస్య ఉందా? అనే సందేహాన్ని లేవనెత్తుతోంది. అయితే, కుటుంబ కలహాలు లేదా వ్యక్తిగత విభేదాల కారణంగానే ఈ సంఘటన జరిగి ఉండవచ్చనే కోణంలో కూడా పోలీసులు ముమ్మరంగా దర్యాప్తు చేస్తున్నారు.
ధార్వాడ్ పోలీస్ కమిషనర్ ఎన్. శశికుమార్ నేతృత్వంలోని బృందం, ఫోరెన్సిక్ నిపుణుల నివేదికలను, ఆసుపత్రి రికార్డులను పరిశీలిస్తోంది. ప్రియా కోలుకున్న తర్వాత ఇచ్చే వాంగ్మూలమే ఈ ఘోర సంఘటన వెనుక ఉన్న అసలు నిజాన్ని బట్టబయలు చేస్తుందని భావిస్తున్నారు. కర్ణాటక వైద్య వర్గాలను సైతం కుదిపేస్తున్న ఈ కేసును పోలీసులు అత్యంత జాగ్రత్తగా, సీరియస్గా విచారిస్తున్నారు….!