సూర్యుని అయస్కాంత క్షేత్రంలో సంభవించిన అత్యంత తీవ్రమైన పేలుడు కారణంగా, ఈరోజు అర్ధరాత్రి భూమిని ఒక శక్తివంతమైన సౌర తుఫాను (Geomagnetic Storm) ఢీకొట్టే అవకాశం ఉందని అంతరిక్ష పరిశోధనా సంస్థలు సంచలన హెచ్చరికలు జారీ చేశాయి.
ఈ రాక్షస సౌర తుఫాను కారణంగా భూమిపై ఉన్న ఉపగ్రహ సమాచార వ్యవస్థ (శాటిలైట్ కమ్యూనికేషన్స్), జీపీఎస్ (GPS) సిగ్నల్స్, మొబైల్ నెట్వర్క్లు మరియు విద్యుత్ గ్రిడ్లు (పవర్ గ్రిడ్స్) తీవ్రంగా ప్రభావితమయ్యే అవకాశం ఉందని చెబుతున్నారు.
అంతరిక్షం నుండి వచ్చే ఈ ప్రమాదకరమైన అయస్కాంత కణాలు భూమి యొక్క వాతావరణంలోకి ప్రవేశించడం వల్ల, ప్రపంచవ్యాప్తంగా సాంకేతిక రంగంలో పెద్ద ఎత్తున అంతరాయాలు ఏర్పడవచ్చని శాస్త్రవేత్తలు ఆందోళన వ్యక్తం చేస్తున్నారు. అయినప్పటికీ, ఈ సౌర తుఫాను కారణంగా ఆకాశంలో ‘అరోరా’ (Aurora) అని పిలవబడే కంటికి విందు గొలిపే రంగురంగుల వెలుగులు కనిపించే ఒక అరుదైన అద్భుత దృశ్యం కూడా ఆవిష్కృతం కానుంది.
భారతదేశంలోనూ కనిపించే అవకాశం!
సాధారణంగా అలాస్కా, నార్వే, కెనడా వంటి ధృవ ప్రాంత దేశాల ఆకాశంలో మాత్రమే కనిపించే ఈ రంగురంగుల కాంతులు, ఈసారి తుఫాను యొక్క తీవ్రత చాలా ఎక్కువగా ఉండటం వల్ల.. భారతదేశంలోని లడఖ్ వంటి ఉత్తర భారత ప్రాంతాలలో కూడా ఈరోజు అర్ధరాత్రి కనిపించే అవకాశం ఎక్కువగా ఉందని నిపుణులు తెలిపారు. సోషల్ మీడియాలో దావానంలా వ్యాపిస్తున్న ఈ స్పేస్ అప్డేట్, ప్రస్తుతం సాధారణ ప్రజలతో పాటు ఖగోళ శాస్త్ర ప్రియులలో తీవ్ర ఉత్కంఠను, ఆశ్చర్యమును కలిగిస్తోంది.