మొబైల్ ఫోన్ మార్చినప్పుడు పాత సిమ్ కార్డులను మరియు ఎలక్ట్రానిక్ వస్తువులను మనం చెత్తగా భావించి పారేస్తుంటాం. కానీ, ఒక బ్లాగర్ (Blogger) వేల సంఖ్యలో పాత సిమ్ కార్డులను సేకరించి, వాటి నుండి బంగారాన్ని వెలికితీసినట్లు ఒక వీడియోను షేర్ చేశారు.
తాను సేకరించిన పాత సిమ్ కార్డులు మరియు ఎలక్ట్రానిక్ వ్యర్థాలను శుద్ధి చేయడం ద్వారా 191.73 గ్రాముల స్వచ్ఛమైన బంగారం లభించిందని ఆయన పేర్కొన్నారు. దీని విలువ భారత మార్కెట్లో సుమారు రూ. 31 లక్షల వరకు ఉంటుందని అంచనా.
ఈ బంగారాన్ని వేరు చేయడానికి ఆయన యాసిడ్, రసాయనాలు మరియు విద్యుత్ వంటి అత్యంత ప్రమాదకరమైన పద్ధతులను ఉపయోగించారు. సిమ్ కార్డులను చిన్న ముక్కలుగా చేసి రసాయన మిశ్రమంలో వేసి బంగారాన్ని వేరు చేశారు. ఈ వీడియో వైరల్ కావడంతో నిపుణులు ఒక ముఖ్యమైన నిజాన్ని వెల్లడించారు. ఒక సాధారణ సిమ్ కార్డులో చాలా తక్కువ మొత్తంలో బంగారం ఉంటుంది. 191 గ్రాముల బంగారం రావాలంటే సుమారు 4 లక్షల సిమ్ కార్డులు అవసరమవుతాయట.