ఉద్యోగానికి వెళ్తున్నానని భార్యకు చెప్పి.. ప్రియురాలితో హోటల్‌లో జాలీగా గడుపుతున్న భర్తను రెడ్‌హ్యాండెడ్‌గా పట్టుకున్న భార్య.. ఆ తర్వాత జరిగిన ఘటనతో స్థానికంగా కలకలం రేగింది. ఉత్తరప్రదేశ్‌లోని హాపూర్‌లో ఈ ఘటన చోటుచేసుకున్నట్లు సమాచారం.
అజయ్ అనే వ్యక్తికి పెళ్లయి 14 ఏళ్లు అవుతున్నప్పటికీ.. ఉద్యోగానికి వెళ్తున్నానని భార్యకు చెప్పి తరచూ మరో మహిళను కలవడానికి వెళ్తున్నట్లు ఆరోపణలు ఉన్నాయి.
ఘటన జరిగిన రోజు కూడా అజయ్ ఓ హోటల్‌లో ఉన్న మరో మహిళ కోసం రెండు ప్లేట్ల ఛోలే భటూరే పార్సిల్ తీసుకుంటుండగా.. ఈ విషయం తెలుసుకున్న అతని భార్య అక్కడికి చేరుకుంది.
భర్తను రెడ్‌హ్యాండెడ్‌గా పట్టుకున్న ఆమె.. “నేను ఒక్కడినే వచ్చాను” అంటూ అజయ్ చెప్పడంతో మరింత ఆగ్రహానికి గురైంది.
వెంటనే అతని చేతిలో ఉన్న రెండు పార్సిళ్లను చూపిస్తూ..
“అయితే ఈ రెండో ప్లేట్ ఛోలే భటూరే ఎవరి కోసం?” అంటూ నిలదీసింది.
ఆ తర్వాత భర్తను నడిరోడ్డుపైనే ప్రశ్నిస్తూ గొడవకు దిగింది. ఈ ఘటనను చూసేందుకు స్థానికులు పెద్ద సంఖ్యలో అక్కడ గుమిగూడారు.
భార్యాభర్తల మధ్య జరిగిన ఈ వివాదం చివరకు పోలీస్ స్టేషన్ వరకు వెళ్లినట్లు తెలుస్తోంది. అక్కడ ఇరువర్గాలతో మాట్లాడిన అనంతరం సమస్యను పరిష్కరించినట్లు సమాచారం.
ప్రస్తుతం ఈ ఘటనకు సంబంధించిన వివరాలు సోషల్ మీడియాలో వైరల్‌గా మారాయి. ముఖ్యంగా “రెండో ప్లేట్ ఎవరి కోసం?” అంటూ భార్య అడిగిన ప్రశ్నపై నెటిజన్లు సరదాగా స్పందిస్తున్నారు.
Leave a Reply