చెన్నై: తమిళగ వెట్రి కళగం (TVK) అధినేత, నటుడు విజయ్ రాజకీయ పార్టీని స్థాపించిన తర్వాత మొదటిసారిగా ఒక టెలివిజన్ కార్యక్రమంలో పాల్గొనబోతున్నట్లు వస్తున్న వార్తలు ఇప్పుడు తీవ్ర సంచలనం సృష్టిస్తున్నాయి.
పార్టీని ప్రకటించినప్పటి నుండి ఆయన విలేకరుల సమావేశాలు పెట్టడం లేదని, మీడియా ముందుకు రావడం లేదని విమర్శలు వస్తున్న సంగతి తెలిసిందే. ఈ విమర్శలకు చెక్ పెడుతూ విజయ్ ఒక సంచలన నిర్ణయం తీసుకున్నట్లు తెలుస్తోంది. అయితే, ఇది రొటీన్ రాజకీయ ఇంటర్వ్యూలా కాకుండా, పూర్తిగా భిన్నంగా ఉండబోతోందట. ఒక ప్రముఖ వినోద భరితమైన (Entertainment) టీవీ షోలో విజయ్ సందడి చేయబోతున్నారట.
ఈ ప్రత్యేక కార్యక్రమంలో కేవలం రాజకీయాలే కాకుండా.. సినిమా విశేషాలు మరియు తన వ్యక్తిగత అభిరుచుల గురించి కూడా విజయ్ చాలా సరదాగా, బహిరంగంగా మాట్లాడబోతున్నట్లు సమాచారం. అతి త్వరలో ఒక ప్రముఖ ఎంటర్‌టైన్‌మెంట్ ఛానెల్‌లో ప్రసారం కానున్న ఈ షో, విజయ్ రాజకీయ ప్రస్థానంలో ఒక కీలక మైలురాయిగా మారుతుందని విశ్లేషకులు భావిస్తున్నారు.
సీరియస్ పాలిటిక్స్ కంటే కూడా సామాన్య ప్రజలకు దగ్గరయ్యేలా ‘సింపుల్ అండ్ మాస్’ వ్యూహంతో విజయ్ ముందుకు వస్తుండటం ఇప్పుడు సోషల్ మీడియాలో హాట్ టాపిక్ అయింది.