విదేశాల్లో నివసిస్తున్న ఓ నవవధువు, భారతదేశంలో ఉన్న తన అత్తామామలకు ఎలాంటి ముందస్తు సమాచారం ఇవ్వకుండా రహస్యంగా ఇండియాకు విమానంలో వచ్చి వారిని ఆశ్చర్యంలో ముంచెత్తిన ఓ హృద్యమైన వీడియో సోషల్ మీడియాలో విడుదలై లక్షలాది మంది హృదయాలను గెలుచుకుంటోంది.
పెళ్లయిన కొద్ది రోజులకే ఉద్యోగ రీత్యా విదేశాలకు వెళ్లిపోయిన ఆ వధువు, కుటుంబ సభ్యులను మళ్లీ ఎప్పుడు కలుస్తానా అని ఎదురుచూస్తున్న తరుణంలో.. పక్కా ప్రణాళికతో చేసిన ఈ సర్‌ప్రైజ్ అందరినీ ఆశ్చర్యానికి గురిచేసింది.
ఇంటి గుమ్మం ముందు అకస్మాత్తుగా లగేజీతో వచ్చి నిలబడిన కొత్త కోడలిని చూడగానే, తలుపు తీసిన అత్తగారు పొందిన షాక్, ఆశ్చర్యాన్ని మాటల్లో వర్ణించలేము. ఆమె ముఖంలో మొదట కనిపించిన విస్మయం, మరుక్షణంలోనే పట్టరాని సంతోషంగా మారిపోయి, కోడలిని ఆప్యాయంగా కౌగిలించుకుని కన్నీరు పెట్టుకుంటూ ముద్దులతో తన ప్రేమను కురిపించింది.
అలాగే, లోపలి నుంచి వచ్చిన మామగారు కూడా తన కొత్త కోడలిని అనూహ్యంగా ఇంట్లో చూసి ఆనందంలో మునిగిపోయారు. చిరునవ్వుతో ఆమెను ఇంట్లోకి సాదరంగా ఆహ్వానించిన దృశ్యం చూసేవారి హృదయాలను హత్తుకునేలా ఉంది.
ఈ భావోద్వేగ భరితమైన క్షణాలన్నింటినీ వీడియోగా రికార్డ్ చేసి ఇన్‌స్టాగ్రామ్‌తో పాటు ఇతర సోషల్ మీడియా పేజీలలో షేర్ చేయగా, ఆ వీడియో కొద్ది గంటల్లోనే లక్షలాది వ్యూస్, కామెంట్స్ సొంతం చేసుకుని విపరీతంగా వైరల్ అవుతోంది.
అంతేకాకుండా, “అత్తగారింటిని తన సొంత ఇల్లుగా, అత్తామామలను తన సొంత తల్లిదండ్రులుగా భావించే కోడలు మాత్రమే ఇలాంటి అందమైన సర్‌ప్రైజ్ ఇవ్వగలదు” అంటూ నెటిజన్లు తమ ప్రేమపూర్వక ప్రశంసలు కురిపిస్తున్నారు. భారతీయ కుటుంబాలలోని ప్రేమను, బంధాన్ని అందంగా ఆవిష్కరిస్తున్న ఈ వీడియో ప్రస్తుతం నెట్టింట తెగ ట్రెండ్ అవుతోంది.
Leave a Reply