“ఎవరేమనుకుంటే నాకేంటి..!” ఎవరి గురించీ పట్టింపు లేదు.. మెట్రోలో బాత్‌రోబ్ వేసుకుని మేకప్ చేసుకున్న యువతి.. అవాక్కైన మహిళా ప్రయాణికులు.. వైరల్ అవుతున్న వింత వీడియో..!!

మెట్రో రైళ్లలో ప్రయాణికులు చేసే వింత పనులు, డాన్స్ వీడియోలు రోజూ సోషల్ మీడియాలో వైరల్ కావడం సాధారణమే. అయితే, తాజాగా ఒక యువతి మెట్రో రైలులో చేసిన పని నెటిజన్లను తీవ్ర ఆశ్చర్యానికి గురిచేస్తోంది.

వైరల్ అవుతున్న ఈ వీడియోలో.. ఒక యువతి తాను ధరించిన దుస్తులు, మేకప్ చేసుకుంటున్న తీరుతో అందరి దృష్టినీ తనవైపు తిప్పుకుంది. స్నానం చేసిన తర్వాత ఇంట్లో వేసుకునే ‘బాత్‌రోబ్’ (Bathrobe) ధరించి ఆమె ఏకంగా మెట్రో రైలులో వచ్చి కూర్చుంది. చుట్టుపక్కల నిలబడి ఉన్న ప్రయాణికులు తనను చూసి ఏమనుకుంటారో అనే కనీస భయం గానీ, సిగ్గు గానీ లేకుండా.. చాలా ప్రశాంతంగా ముఖానికి ఐ-ప్యాచ్ (Eye patch), స్కిన్ కేర్ ఉత్పత్తులు రాసుకుంటూ ముస్తాబవుతోంది. సాధారణంగా ఇంట్లో ఎవరికీ కనిపించకుండా చేసుకునే మేకప్‌ను ఆమె ఇలా పబ్లిక్ ప్లేస్‌లో అత్యంత సావధానంగా చేస్తుండటం గమనార్హం.

ఆమె పక్కన కూర్చున్న ఇతర మహిళా ప్రయాణికులు.. ఈ వింత దృశ్యాన్ని చూసి ఏం చేయాలో పాలుపోక నోరెళ్లబెట్టి ఆశ్చర్యంగా చూస్తున్న దృశ్యాలు ఆ వీడియోలో స్పష్టంగా రికార్డయ్యాయి.

అదే రైలులో ప్రయాణిస్తున్న ఒక వ్యక్తి ఈ వీడియోను తీసి ‘ఎక్స్’ (X) వేదికగా షేర్ చేయడంతో అది కాస్తా ఇంటర్నెట్‌లో వైరల్‌గా మారింది. ఈ వీడియో చూసిన నెటిజన్లు.. “మెట్రోను ఏకంగా సొంత ఇల్లుగా మార్చేశారు కదరా!” అంటూ ఫన్నీగా కామెంట్లు పెడుతూ పెద్ద ఎత్తున చర్చిస్తున్నారు.