ఏం మనిషయ్యా ఆయన..! “అలాంటి సంఘటన జరిగిన తర్వాత కూడా ముఖంలో చెరగని చిరునవ్వు”.. ఎయిర్‌పోర్ట్‌లో చుట్టుముట్టిన అభిమానులు.. కింద పడిన స్మార్ట్‌ఫోన్.. రోహిత్ శర్మ రియాక్షనే హైలైట్. వైరల్ వీడియో.!

వెస్టిండీస్‌తో జరిగిన 3వ వన్డే మ్యాచ్ ముగించుకుని ముంబై తిరిగి వచ్చిన భారత క్రికెట్ స్టార్ రోహిత్ శర్మ, విమానాశ్రయంలో అభిమానులతో ముచ్చటిస్తున్న సమయంలో అనుకోకుండా తన స్మార్ట్ ఫోన్‌ను కింద పడేసిన ఘటన ఇంటర్నెట్‌లో వైరల్‌గా మారింది.

భారత క్రికెట్ జట్టు స్టార్ ఆటగాడు రోహిత్ శర్మ ముంబై ఎయిర్‌పోర్ట్ టెర్మినల్ నుంచి బయటకు రాగానే, ఆయనను చూసేందుకు, ఫోటోలు దిగేందుకు అభిమానులు పెద్ద ఎత్తున ఆయనను చుట్టుముట్టారు.

అభిమానుల ప్రేమపూర్వక కోరిక మేరకు ఆయన కూడా నవ్వుతూ వారితో మాట్లాడుతూనే ముందుకు నడిచారు. ఆ సమయంలో, ఆ రద్దీలో అనుకోకుండా రోహిత్ చేతిలో ఉన్న స్మార్ట్‌ఫోన్ జారి కింద పడింది.

ఫోన్ కింద పడటం చూసి చుట్టుపక్కల ఉన్నవారు కాస్త కంగారు పడినప్పటికీ, రోహిత్ శర్మ మాత్రం ఎలాంటి టెన్షన్ లేదా అసహనం లేకుండా.. చాలా సాధారణంగా కిందకు వంగి ఫోన్‌ను తీసుకుని, మళ్లీ అభిమానుల వైపు చూసి నవ్వుతూ అక్కడి నుంచి వెళ్లిపోయారు.

ఎలాంటి ఆర్భాటం, అహంకారం లేకుండా ఆయన చూపించిన ఈ సింప్లిసిటీని (సాధారణత్వాన్ని) అక్కడ రికార్డ్ చేసిన వీడియో ప్రస్తుతం సోషల్ మీడియాలో వేగంగా వ్యాపిస్తూ, నెటిజన్ల నుంచి విశేష ప్రశంసలు అందుకుంటోంది.