కాన్పూర్ గ్యాంగ్రేప్ న్యూస్: ఉత్తరప్రదేశ్లోని కాన్పూర్లో అత్యంత దారుణమైన ఘటన వెలుగులోకి వచ్చింది. తన ప్రియుడితో కలిసి ఏకాంతంగా ఉన్న యువతిపై ఇద్దరు దుండగులు సామూహిక అత్యాచారానికి పాల్పడిన ఘటన తీవ్ర సంచలనం రేపింది.
అసలేం జరిగింది? జూలై 26న బాధిత యువతి తన ప్రియుడితో కలిసి కాన్పూర్లోని మహారాజ్పూర్ సమీపంలోని తివారీపూర్ గ్రామం వద్ద ఉన్న ఒక నిర్మానుష్య ప్రాంతంలో కూర్చుని ఉండగా, ఇద్దరు యువకులు అక్కడికి వచ్చారు. వారు ఆ జంటను రహస్యంగా వీడియో తీసి, ఆ వీడియోను కుటుంబ సభ్యులకు చూపిస్తామని బెదిరించారు. తమ దగ్గర ఉన్న డబ్బులు ఇవ్వాలని డిమాండ్ చేశారు.
ప్రియుడి నిర్లక్ష్యం.. యువతిపై దాడి: ఈ పరిస్థితిని చూసి భయపడిన ప్రియుడు, యువతిని కాపాడటానికి ప్రయత్నించకుండానే అక్కడి నుండి పారిపోయాడు. తనను రక్షించాల్సిన ప్రియుడే పారిపోవడంతో, ఆ యువతి ఒంటరిదైంది. అదును చూసి ఆ ఇద్దరు యువకులు ఆమెను డబ్బుల కోసం వేధించడమే కాకుండా, సామూహిక అత్యాచారానికి పాల్పడ్డారు. ఆమె ముక్కుకు ఉన్న నగను కూడా లాక్కునే ప్రయత్నం చేశారు.
పోలీసుల స్పందన: ఈ ఘటనపై బాధితురాలు పోలీసులకు ఫిర్యాదు చేసినా, మొదట్లో కేసు నమోదు చేయలేదు. ఆ తర్వాత ఏసీపీ అభిషేక్ పాండేని ఆశ్రయించడంతో, ఆయన జోక్యంతో కేసు నమోదైంది. ఈ ఘటనపై ఏసీపీ మాట్లాడుతూ, నిందితుల కోసం ప్రత్యేక బృందాలను ఏర్పాటు చేశామని, వారిని పట్టుకోవడానికి సీసీటీవీ ఫుటేజీలను పరిశీలిస్తున్నామని తెలిపారు. సర్వైలెన్స్ సహాయంతో నిందితులను త్వరలోనే అరెస్టు చేస్తామని ఆయన హామీ ఇచ్చారు.