సోషల్ మీడియా ప్రపంచంలో ప్రతిరోజూ మనల్ని ఆశ్చర్యంలో ముంచెత్తేవి, కొన్నిసార్లు నవ్వించేవి అయిన ఎన్నో వీడియోలు వస్తుంటాయి. ఈ క్రమంలోనే ప్రస్తుతం భారతీయుల “జుగాడ్” (Jugaad) అనబడే సమయస్ఫూర్తిని మరియు ప్రమాదకరమైన సాహసాన్ని తెలియజేసే ఒక విచిత్రమైన వీడియో ఇంటర్నెట్లో విడుదలై అసుర వేగంతో వైరల్ అవుతోంది.
ఒక భవన నిర్మాణ స్థలంలో (Construction Site) ఇద్దరు కార్మికులు పై అంతస్తుకు వెళ్లడం కోసం మెట్లు ఎక్కడ ఉన్నాయని వెతుక్కోకుండా.. తమకు తామే ఒక వినూత్న “లిఫ్ట్” సదుపాయాన్ని ఏర్పాటు చేసుకుని అందరినీ షాక్కు గురిచేశారు. సిమెంట్ మిశ్రమాన్ని (Cement Mixture) భవనం పైకి తీసుకెళ్లడానికి ఉపయోగించే క్రేన్/మెషిన్ పై ఏమాత్రం భయం లేకుండా ఆ ఇద్దరు కార్మికులు ఎక్కి నిలబడ్డారు. దాన్నే ఒక లిఫ్ట్ లాగా వాడుకుంటూ చాలా సులువుగా ఆ భవనం యొక్క పై అంతస్తుకు చేరుకున్నారు.
చూడటానికి చాలా వింతగా, నవ్వు తెప్పించేలా ఉన్న ఈ వీడియో.. మరోవైపు తీవ్రమైన భద్రతా లోపాలను, నిర్లక్ష్యాన్ని ఎత్తిచూపేలా ఉంది. ఒకవేళ ఆ మెషిన్ కి ఉన్న తాడు గనుక తెగిపోయి ఉంటే చాలా పెద్ద ప్రమాదం జరిగి ప్రాణాలకే ముప్పు వచ్చేదని నెటిజన్లు పలువురు తమ ఆందోళనను వ్యక్తం చేస్తున్నారు.
“ఇండియా అంటేనే జుగాడ్ దేశం” అని ఒక వర్గం వారు ఈ వీడియోను సరదాగా షేర్ చేస్తుంటే.. మరోవైపు “ఇదేం పెద్ద ఆవిష్కరణ కాదు, సొంత ప్రాణాలతో ఆడుకునే ప్రమాదకరమైన ఆట” అని సోషల్ మీడియాలో చాలా మంది తమ నిరసనను వ్యక్తం చేస్తున్నారు. ఇలా నెటిజన్ల భిన్నమైన కామెంట్ల మధ్య ఈ వీడియో ఇంటర్నెట్లో విపరీతంగా ట్రెండ్ అవుతోంది.