పాకిస్థాన్‌లో ఇంగ్లీష్ భాషపై ఉన్న ఆసక్తి గురించి తరచూ చర్చ జరుగుతూనే ఉంటుంది.
ఇప్పుడు… అక్కడి పోలీసుల పరిస్థితిని చూపించేలా ఉందంటూ ఒక వీడియో సోషల్ మీడియాలో వైరల్‌గా మారింది.
పర్యాటకుడైన ఓ విదేశీయుడు… పాకిస్థాన్ పోలీసు అధికారులతో ఇంగ్లీష్‌లో మాట్లాడుతున్న సమయంలో జరిగిన ఘటన ప్రస్తుతం నెటిజన్ల దృష్టిని ఆకర్షిస్తోంది.
వైరల్ అవుతున్న వీడియోలో ఓ విదేశీ పర్యాటకుడు టీ తాగుతూ కొంతమంది పాకిస్థాన్ పోలీసు అధికారులతో మాట్లాడుతున్నట్లు కనిపిస్తోంది.
మొదట ఆయన అక్కడ ఉన్న పోలీసు అధికారుల్లో కమాండర్ ఎవరు? అని అడిగి తెలుసుకుంటారు.
ఆ తర్వాత కమాండర్‌తో ఇంగ్లీష్‌లో మాట్లాడటం ప్రారంభిస్తారు.
అప్పుడు ఆ విదేశీయుడు చాలా సాధారణమైన ఇంగ్లీష్‌లో…
“మీరు చీఫ్ కమాండర్‌గా ఎన్ని సంవత్సరాలుగా పనిచేస్తున్నారు?” అని ప్రశ్నిస్తారు.
అయితే… ఆ ప్రశ్న అక్కడ ఉన్న అధికారులకు వెంటనే అర్థం కాలేదని వీడియోలో కనిపిస్తోంది.
ప్రశ్నను మరోసారి చెప్పాలని వారు ఆ పర్యాటకుడిని కోరుతారు.
దీంతో ఆయన మరింత నెమ్మదిగా మాట్లాడినా… ప్రశ్నను అర్థం చేసుకోవడంలో అధికారులు ఇబ్బంది పడినట్లు వీడియోలో కనిపించింది.
చివరికి… ఆ పర్యాటకుడు తన ప్రశ్నను మరో విధంగా, సులభమైన పదాలతో పలుమార్లు వివరించిన తర్వాతే అధికారులు విషయం అర్థం చేసుకున్నట్లు తెలుస్తోంది.
ఈ మొత్తం ఘటనను ఎవరో వీడియో తీసి సోషల్ మీడియాలో పోస్ట్ చేయడంతో… అది ప్రస్తుతం వైరల్‌గా మారింది.
వీడియో చూసిన కొంతమంది నెటిజన్లు పాకిస్థాన్ పోలీసులపై సెటైర్లు వేస్తున్నారు.
“ఇంత చిన్న ప్రశ్నకే ఇంత గందరగోళమా?” అంటూ కొందరు కామెంట్లు చేస్తున్నారు.
మరికొందరు… పోలీసు వ్యవస్థలో ఉన్నత స్థాయి అధికారులకే ఇంగ్లీష్ ప్రశ్న అర్థం చేసుకోవడానికి ఇంత సమయం పడితే, సాధారణ సిబ్బంది పరిస్థితి ఎలా ఉంటుందంటూ వ్యంగ్యంగా స్పందిస్తున్నారు.
అయితే… ఈ వీడియోలో కనిపిస్తున్న ఘటనకు సంబంధించిన పూర్తి సందర్భం, వీడియో ఎప్పుడు, ఎక్కడ చిత్రీకరించారనే వివరాలు మాత్రం స్పష్టంగా తెలియడం లేదు.
ఏదేమైనా…
ఒక విదేశీ పర్యాటకుడు అడిగిన సాధారణ ఇంగ్లీష్ ప్రశ్నకు పాకిస్థాన్ పోలీసులు స్పందించిన తీరు… ఇప్పుడు సోషల్ మీడియాలో హాట్ టాపిక్‌గా మారింది!
Leave a Reply