ఉత్తరప్రదేశ్‌లోని ప్రసిద్ధ బృందావనంలో, అక్కడి కోతులు పర్యాటకుల పట్ల ప్రదర్శిస్తున్న వింతైన ‘బెదిరింపుల విద్య’ అందరినీ తీవ్ర ఆశ్చర్యానికి గురిచేస్తోంది.
అక్కడికి వచ్చే భక్తులు, పర్యాటకుల వద్ద నుంచి మొబైల్ ఫోన్లు, ఖరీదైన కళ్లద్దాలు (కూలింగ్ గ్లాసెస్), కెమెరాలు, ఇతర వస్తువులను ఈ కోతులు రెప్పపాటులో లాగేసుకుని వెళ్లిపోతున్నాయి.
వస్తువులను లాక్కున్న తర్వాత, వాటిని వెంటనే తిరిగి ఇవ్వకుండా భవనాల పైకప్పులు, చెట్ల మీద కూర్చుని కోతులు చేస్తున్న ‘బ్లాక్‌మెయిల్’ అరాచకం ఇంటర్నెట్‌లో వైరల్‌గా మారుతోంది.
తమ వస్తువులను తిరిగి పొందాలంటే, కోతులకు ఇష్టమైన ఆహార పదార్థాలు లేదా కూల్‌డ్రింక్స్ లాంటివి ‘కప్పం’గా వాటి వైపు విసిరేయాల్సిన పరిస్థితి ప్రజలకు ఏర్పడుతోంది.
ఆహారం లేదా డ్రింక్స్ ఇస్తే మాత్రమే, కోతులు తమ చేతిలో ఉన్న వస్తువులను కింద పడేసి, వాటిని తీసుకుంటున్నాయి. బృందావనానికి వెళ్లే భక్తులు తమ వస్తువులను తిరిగి పొందడానికి కోతులకు ఇలా ‘కప్పం’ కట్టాల్సిన వింతైన పరిస్థితి నెలకొంది.