దక్షిణ ఆఫ్రికాలోని లెసోతోలో జరిగిన ఒక వింత ఘటన వైద్య లోకాన్ని ఆశ్చర్యపరిచింది. యోని మార్గం (Vaginal passage) లేని ఒక 15 ఏళ్ల బాలిక ఓరల్ సెక్స్ ద్వారా గర్భవతి అయింది. ఈ అసాధారణ ఉదంతం ‘బ్రిటిష్ జర్నల్ ఆఫ్ అబ్స్టెట్రిక్స్ అండ్ గైనకాలజీ’లో కూడా నమోదైంది.
అసలేం జరిగింది? ఈ ఘటన 1988లో జరిగింది. తీవ్రమైన కడుపునొప్పితో ఒక బాలిక ఆసుపత్రిలో చేరింది. ఆ నొప్పి ప్రసవ వేదనను పోలి ఉండటంతో వైద్యులు పరీక్షించగా, ఆమె గర్భవతి అని తెలిసి షాక్‌కు గురయ్యారు. అయితే, ఆమెకు పుట్టుకతోనే ‘వెజైనల్ అట్రేసియా’ (Vaginal Atresia) అనే సమస్య ఉంది. అంటే ఆమెకు సహజమైన యోని మార్గం లేదు. ఇలాంటి స్థితిలో సాధారణ గర్భధారణ అసాధ్యం.
సిజేరియన్ ద్వారా ప్రసవం: యోని మార్గం లేకపోవడంతో వైద్యులు సిజేరియన్ ఆపరేషన్ చేసి 6.2 పౌండ్ల బరువున్న ఆరోగ్యకరమైన మగబిడ్డను బయటకు తీశారు. కానీ, సంభోగం లేకుండా గర్భం ఎలా దాల్చిందనేది మిస్టరీగా మారింది.
శాస్త్రీయ కారణం: వైద్యులు లోతుగా విచారించగా అసలు విషయం వెలుగులోకి వచ్చింది. తొమ్మిది నెలల క్రితం, ఆ బాలిక తన ప్రస్తుత భాగస్వామితో ఓరల్ సెక్స్‌లో పాల్గొన్న సమయంలో, ఆమె మాజీ ప్రియుడు ఒక్కసారిగా దాడి చేసి ఆమె కడుపుపై కత్తితో పొడిచాడు. అప్పుడు ఆమె కడుపులో ఉన్న గాయం ద్వారా, ఆమె మింగిన వీర్యం (Sperm) లోపలి ప్రత్యుత్పత్తి అవయవాలకు చేరుకుంది.
సాధారణంగా ఇది సాధ్యమేనా? సాధారణంగా కడుపులోని ఆమ్లాలు (Acids) వీర్యాన్ని వెంటనే నశింపజేస్తాయి. కానీ అప్పుడు ఆ బాలిక పోషకాహార లోపంతో బాధపడుతుండటం వల్ల ఆమె కడుపులో ఆమ్లాల గాఢత తక్కువగా ఉంది. దీనివల్ల వీర్యకణాలు సజీవంగా ఉండి, కత్తి గాయం ద్వారా ఏర్పడిన మార్గం గుండా గర్భాశయానికి చేరుకుని అండాన్ని ఫలదీకరణం చేశాయి.