మధ్యప్రాచ్య దేశాలలో ఇజ్రాయెల్, ఇరాన్ మరియు అమెరికా మధ్య యుద్ధ ఉద్రిక్తతలు పెరుగుతున్న నేపథ్యంలో, ప్రపంచ మార్కెట్లో వివిధ వస్తువుల ధరలు పెరుగుతాయని భావిస్తున్నారు. అయితే ఇందులో ఆశ్చర్యకరమైన విషయం ఏమిటంటే, రాబోయే రోజుల్లో కండోమ్‌ల ధరలు కూడా పెరగవచ్చని సమాచారం.
సాధారణంగా ఆరోగ్యం మరియు కుటుంబ నియంత్రణకు సంబంధించినవిగా భావించే కండోమ్‌లు, యుద్ధ తంత్రాలలో సైనికుల ప్రాణాలను కాపాడే ఒక ముఖ్యమైన సాధనంగా ఉపయోగపడుతున్నాయనేది చాలా మందికి తెలియని నిజం. యుద్ధభూమిలో కండోమ్‌ల అద్భుతమైన ఉపయోగాలు ఏమిటో ఇప్పుడు చూద్దాం:
- తుపాకుల రక్షణ: యుద్ధభూమిలో సైనికులకు వారి తుపాకులే ప్రాణాధారం. ఎడారిలోని ఇసుక రేణువులు, దూళి లేదా వర్షం వల్ల కలిగే తేమ తుపాకీ గొట్టంలోకి (Barrel) వెళ్తే, అది మొరాయించే అవకాశం ఉంది. దీనిని నివారించడానికి, సైనికులు తుపాకీ కొనకు కండోమ్‌లను తగిలిస్తారు. ఇది చాలా సన్నగా ఉండటం వల్ల, అత్యవసర సమయంలో దానిని తొలగించకుండానే కాల్పులు జరపవచ్చు; ఇది లక్ష్యాన్ని చేధించడంలో ఎటువంటి అడ్డంకి కలిగించదు.
- ముఖ్యమైన పత్రాల రక్షణ: యుద్ధ సమయంలో మ్యాపులు (Maps), బ్యాటరీలు, అగ్గిపెట్టెలు మరియు కమ్యూనికేషన్ సాధనాలు తడవకుండా ఉండటం చాలా ముఖ్యం. భారీ వర్షం లేదా నదిని దాటేటప్పుడు ఇవి తడిస్తే ప్రాణాలకే ప్రమాదం కలగవచ్చు. కండోమ్‌లు వాటర్ ప్రూఫ్ మరియు సాగే గుణం కలిగి ఉండటంతో, సైనికులు ఇటువంటి అత్యవసర వస్తువులను కండోమ్‌లలో పెట్టి భద్రపరుస్తారు.
- భారత నౌకాదళం ప్రయోగం: కండోమ్‌ల ఉపయోగం కేవలం భూమిపైనే కాదు, నీటిలోనూ నిరూపితమైంది. 1971 భారత్-పాక్ యుద్ధ సమయంలో, భారత నౌకాదళం ఒక వినూత్న వ్యూహాన్ని అనుసరించింది. సముద్రంలో బాంబులు తడవకుండా ఉండటానికి కండోమ్‌లను ఉపయోగించారు. దీనివల్ల బాంబుల ‘టైమింగ్ మెకానిజం’ సరిగ్గా పనిచేసి, భారత నౌకాదళం విజయవంతంగా శత్రు లక్ష్యాలను ధ్వంసం చేసింది.
- వైద్య అవసరాలు: ప్రత్యక్ష యుద్ధం జరుగుతున్నప్పుడు వైద్య పరికరాల కొరత ఏర్పడితే, కండోమ్‌లను అత్యవసర గ్లౌజులుగా ఉపయోగిస్తారు. అలాగే, గాయాల మీద నీరు పడకుండా కవర్ చేయడానికి ఇది సహాయపడుతుంది, దీనివల్ల ఇన్ఫెక్షన్లు రాకుండా అరికట్టవచ్చు.
యుద్ధభూమిలో సైనికుల ప్రాణాలను కాపాడటానికి, ఆయుధాలను రక్షించడానికి ఇది ఒక ‘మల్టీ పర్పస్’ సాధనంగా ఉపయోగపడుతోంది. అందుకే యుద్ధం వచ్చే సమయాల్లో కండోమ్‌ల డిమాండ్ ఒక్కసారిగా పెరుగుతుంది. దీనివల్ల సరఫరా గొలుసులో (Supply Chain) అంతరాయం ఏర్పడి ధరలు పెరిగే అవకాశం ఉంటుంది.