నేటి ఉరుకుల పరుగుల జీవితం, తప్పుడు ఆహారపు అలవాట్లు మరియు వేపుడు పదార్థాల వల్ల గ్యాస్ సమస్య చాలా మందిని వేధిస్తోంది. దీనివల్ల కడుపు ఉబ్బరంగా అనిపించడం, మాటిమాటికీ తేన్పులు రావడం మరియు గుండెలో మంట వంటి లక్షణాలు కనిపిస్తాయి. గ్యాస్ నుండి ఉపశమనం పొందడానికి మనం వెంటనే మందుల కోసం వెతుకుతాము, కానీ మన వంటింట్లో ఉండే వస్తువులతోనే ఒక ‘మ్యాజిక్ షాట్’ తయారు చేసుకోవచ్చు.
గ్యాస్‌ను తగ్గించే ‘లెమన్ షాట్’: ఈ ఆయుర్వేద చిట్కా జీర్ణక్రియను మెరుగుపరిచి, గ్యాస్‌ను సులభంగా బయటకు పంపుతుంది.
కావలసిన పదార్థాలు:
- నిమ్మరసం – అర చెక్క
- ఇంగువ – ఒక చిటికెడు
- ఉప్పు – ఒక చిటికెడు
- మిరియాల పొడి – ఒక చిటికెడు
తయారీ విధానం: అర చెక్క నిమ్మరసంలో పైన పేర్కొన్న మూడు పొడులను కలపండి. దీనిని నేరుగా ‘షాట్’ లాగా తీసుకోవచ్చు లేదా అర కప్పు గోరువెచ్చని నీటిలో కలుపుకుని తాగవచ్చు.
ఎప్పుడు తీసుకోవాలి? భోజనానికి 20 నిమిషాల ముందు దీనిని తీసుకోవాలి. ఇలా చేయడం వల్ల గ్యాస్ ఏర్పడదు మరియు తిన్న ఆహారం బాగా జీర్ణమవుతుంది.