మనిషి చనిపోయిన తర్వాత వారి ఆత్మ శాంతించాలని కాకులకు పిండం పెట్టడం, ఆహారం అందించడం మన సమాజంలో తరతరాలుగా వస్తున్న ఆచారం.
అయితే నాగ్పూర్లో వెలుగుచూసిన ఒక దిగ్భ్రాంతికర ఘటన ఈ ఆచారానికే విరుద్ధంగా మారి యావత్ సమాజాన్ని తీవ్ర అసహ్యానికి, ఆశ్చర్యానికి గురిచేసింది.
చనిపోయిన మనిషి పేరు మీద కాకికి ఆహారం పెట్టే సంస్కృతిని కాదని.. ఏకంగా కాకినే చంపి వండుకుని తినడానికి సిద్ధపడిన వింత, వికృత ఘటన మహారాష్ట్రలోని నాగ్పూర్లో వెలుగుచూసి తీవ్ర కలకలం రేపింది.
నాగ్పూర్ నగరంలోని ఒక రద్దీ ప్రాంతంలో నివసిస్తున్న ఒక వ్యక్తి.. ఇంటి పరిసరాల్లో తిరుగుతున్న కాకులను పట్టుకుని, వాటిని చంపి మాంసంగా వండుకోవాలని ప్లాన్ చేశాడు. కాకులను పట్టుకోవడానికి అతను ఉపయోగించిన వింత పద్ధతి, ఆ తర్వాత వాటిని వండేందుకు సిద్ధమైన తీరు స్థానికుల దృష్టికి వచ్చింది.
దీన్ని చూసి తీవ్ర దిగ్భ్రాంతి చెందిన ఇరుగుపొరుగు వారు వెంటనే స్థానిక అటవీశాఖ అధికారులకు, వన్యప్రాణి ప్రేమికులకు సమాచారం అందించారు. సమాచారం అందుకున్న అధికారులు ఘటనా స్థలానికి చేరుకుని ఆ వ్యక్తిని అదుపులోకి తీసుకుని విచారించగా ఈ షాకింగ్ నిజం బయటపడింది.
ప్రకృతిని పరిశుభ్రంగా ఉంచడంలో కీలక పాత్ర పోషిస్తూ పారిశుద్ధ్య జీవులుగా పేరుగాంచిన కాకులను చంపి తినడం చట్టరీత్యా నేరం మాత్రమే కాకుండా, ఆరోగ్యపరంగా కూడా ప్రాణాంతక వ్యాధులు ప్రబలే ముప్పు ఉందని నిపుణులు హెచ్చరిస్తున్నారు.
ఆ వ్యక్తి తీవ్ర పేదరికం వల్ల ఇలా చేశాడా, లేక మానసిక సమస్యలు, వింత అలవాట్ల కారణమా అనే కోణంలో అటవీశాఖ అధికారులు, పోలీసులు ముమ్మర దర్యాప్తు చేస్తున్నారు. మానవత్వానికి, సమాజ సంస్కృతికి విరుద్ధంగా జరిగిన ఈ విచిత్ర ఘటన నాగ్పూర్ వాసుల్లో తీవ్ర అసహ్యాన్ని, కలకలాన్ని రేపడంతో పాటు సోషల్ మీడియాలోనూ విపరీతంగా వైరల్ అవుతోంది.