బాలీవుడ్ ‘బాద్‌షా’, ‘కింగ్ ఖాన్’గా కోట్లాది మంది అభిమానుల గుండెల్లో ప్రత్యేక స్థానం సంపాదించుకున్న నటుడు షారుక్ ఖాన్కు సంబంధించిన ఓ వీడియో ప్రస్తుతం సోషల్ మీడియాలో వైరల్‌గా మారింది.
ముంబైలో జరిగిన వినాయక చవితి వేడుకల్లో పాల్గొనేందుకు వచ్చిన షారుక్ ఖాన్… నడవడానికి కాస్త ఇబ్బంది పడుతున్నట్లు వీడియోలో కనిపించడం అభిమానుల్లో ఆందోళన కలిగించింది.
షారుక్ ఖాన్ తన మేనేజర్ పూజా దద్లానీతో కలిసి టీ-సిరీస్ కార్యాలయానికి వినాయకుడి దర్శనం కోసం వెళ్లారు. అక్కడ ఏర్పాటు చేసిన గణపతి విగ్రహం వద్దకు వెళ్తున్న సమయంలో ఆయన చాలా నెమ్మదిగా అడుగులు వేస్తూ కనిపించారు.
అతను నడవడానికి ఇబ్బంది పడుతున్న దృశ్యాలు చూసిన అభిమానులు…
“మన బాద్‌షాకు ఏమైంది?” అంటూ సోషల్ మీడియాలో ఆందోళన వ్యక్తం చేస్తున్నారు.
ఇక ‘కింగ్’ సినిమా షూటింగ్‌లోని యాక్షన్ సన్నివేశాల సమయంలో షారుక్ ఖాన్కు గాయాలు అయ్యాయని, ముఖ్యంగా కండరాలు, టెండన్లకు సంబంధించిన గాయాల కారణంగానే ప్రస్తుతం నడవడానికి ఇబ్బంది పడుతున్నారని కొన్ని సినీ వర్గాలు చెబుతున్నాయి.
అయితే ఈ విషయంపై అధికారికంగా పూర్తి వివరాలు వెల్లడికాలేదు.
గాయాలతో ఇబ్బంది ఉన్నప్పటికీ… వినాయకుడి దర్శనం కోసం వచ్చిన షారుక్ ఖాన్‌ను చూసి అభిమానులు భావోద్వేగానికి గురవుతున్నారు.
“ఎన్ని సినిమాలు ఉన్నా పర్వాలేదు… ముందుగా మీ ఆరోగ్యాన్ని చూసుకోండి” అంటూ అభిమానులు సోషల్ మీడియాలో పోస్టులు పెడుతున్నారు.
అదే సమయంలో మరికొందరు అభిమానులు మాత్రం…
“ఆయన కూడా మనిషే. వరుసగా సినిమాల్లో పనిచేస్తే శరీరంపై ఒత్తిడి ఉంటుంది. అనవసరమైన వదంతులను ప్రచారం చేయకండి” అంటూ షారుక్‌కు మద్దతుగా నిలుస్తున్నారు.
దాదాపు 60 ఏళ్ల వయసుకు చేరువవుతున్నప్పటికీ… సినిమాల కోసం ఇంకా అదే ఉత్సాహంతో పనిచేస్తున్న షారుక్ ఖాన్, గాయాలను లెక్కచేయకుండా వినాయకుడి దర్శనానికి రావడం ఇప్పుడు అభిమానుల మధ్య చర్చనీయాంశంగా మారింది.
అయితే ఆయన ఆరోగ్య పరిస్థితిపై అధికారిక సమాచారం వచ్చే వరకు సోషల్ మీడియాలో వస్తున్న ఊహాగానాలను నిజమని భావించకపోవడం మంచిది.
Leave a Reply