సొంత కారు కొనాలనేది ప్రతి ఒక్కరి కోరిక. కానీ ఏ కారు కొనాలనే విషయంలో చాలా మందికి గందరగోళం ఉంటుంది. మీరు ఫ్యామిలీ కోసం మంచి 7-సీటర్ కారును వెతుకుతున్నట్లయితే, రెనాల్ట్ ట్రైబర్ నుండి కియా క్యారెన్స్ వరకు మార్కెట్లో ఉన్న బెస్ట్ ఆప్షన్ల వివరాలు మీకోసం:
1. రెనాల్ట్ ట్రైబర్ (Renault Triber)
తక్కువ బడ్జెట్‌లో లభించే అత్యంత ప్రజాదరణ పొందిన MPV ఇది.
- ధర: రూ. 5.76 లక్షల నుండి రూ. 8.60 లక్షల వరకు (ఎక్స్-షోరూమ్).
- మైలేజీ: లీటరుకు 17 నుండి 20 కిలోమీటర్లు.
- ఫీచర్లు: 1-లీటర్ పెట్రోల్ ఇంజిన్, 8-అంగుళాల టచ్‌స్క్రీన్, పుష్ బటన్ స్టార్ట్, 6 ఎయిర్‌బ్యాగ్‌లు.
2. మారుతి సుజుకి ఎర్టిగా (Maruti Suzuki Ertiga)
భారతదేశంలో సామాన్యుల ఫేవరెట్ ఫ్యామిలీ కారు ఇది.
- ధర: రూ. 8.80 లక్షల నుండి రూ. 12.94 లక్షల వరకు (ఎక్స్-షోరూమ్).
- మైలేజీ: పెట్రోల్ వెర్షన్ 20 కి.మీ, CNG వెర్షన్ ఏకంగా 26.11 కి.మీ. ఇస్తుంది.
- ఫీచర్లు: 1.5-లీటర్ ఇంజిన్, ఆటోమేటిక్ క్లైమేట్ కంట్రోల్, 7-అంగుళాల టచ్‌స్క్రీన్, 6 ఎయిర్‌బ్యాగ్‌లు.
3. మహీంద్రా బొలెరో (Mahindra Bolero)
గ్రామీణ ప్రాంతాల్లో అత్యంత ధృడమైన కారుగా దీనికి పేరుంది.
- ధర: రూ. 7.99 లక్షల నుండి రూ. 9.69 లక్షల వరకు (ఎక్స్-షోరూమ్).
- మైలేజీ: 14 నుండి 16 కిలోమీటర్లు.
- ఫీచర్లు: 1.5-లీటర్ డీజిల్ ఇంజిన్, 7-అంగుళాల టచ్‌స్క్రీన్, డ్యూయల్ ఫ్రంట్ ఎయిర్‌బ్యాగ్‌లు.
4. మహీంద్రా బొలెరో నియో (Mahindra Bolero Neo)
పట్టణ మరియు గ్రామీణ ప్రాంతాలకు అనువైన స్టైలిష్ SUV.
- ధర: రూ. 8.49 లక్షల నుండి రూ. 10.49 లక్షల వరకు (ఎక్స్-షోరూమ్).
- మైలేజీ: 17.29 కిలోమీటర్లు.
- ఫీచర్లు: 1.5-లీటర్ డీజిల్ ఇంజిన్, 9-అంగుళాల టచ్‌స్క్రీన్, ప్రీమియం ఇంటీరియర్స్.
5. కియా క్యారెన్స్ (Kia Carens)
కొంచెం ఎక్కువ బడ్జెట్ ఉన్నవారికి, లగ్జరీ ఫీచర్లు కోరుకునే వారికి ఇది సరైన ఛాయిస్.
- ధర: రూ. 11.08 లక్షల నుండి రూ. 20.71 లక్షల వరకు (ఎక్స్-షోరూమ్).
- మైలేజీ: 15.34 నుండి 19.54 కిలోమీటర్లు.
- ఫీచర్లు: పవర్‌ఫుల్ టర్బో పెట్రోల్ & డీజిల్ ఇంజిన్లు, 10.25-అంగుళాల టచ్‌స్క్రీన్, 6 ఎయిర్‌బ్యాగ్‌లు.