పెళ్లి జరిగిన కొద్ది రోజులకే ఒక వధువుకు సంబంధించిన నిజం మొత్తం కుటుంబం ముందు బయటపడింది. దీనివల్ల పెళ్లైన 15 రోజులకే విషయం విడాకుల వరకు వెళ్లింది. ఉత్తరప్రదేశ్లోని పిపిగంజ్లో ఇటీవల ఒక వివాహం జరిగింది.
ఈ వివాహం ఎంతో ఘనంగా జరిగింది. వరుడు ఎంతో సంతోషంగా వధువును తన ఇంటికి తీసుకువచ్చాడు. వరుడి కుటుంబ సభ్యులు తమ కోడలిని ఎంతో ప్రేమతో ఆహ్వానించారు. అయితే, పెళ్లయిన కొన్ని రోజులకే వధువు తలపై నుండి విగ్గు పడిపోవడంతో ఆమె బట్టతల చూసి అందరూ షాక్కు గురయ్యారు. తన భార్యకు బట్టతల ఉందని తెలుసుకున్న వరుడు, వెంటనే కుటుంబ సభ్యులకు ఈ విషయం చెప్పాడు. దీంతో ఇంట్లో గందరగోళం నెలకొంది.
వరుడి కుటుంబ సభ్యులు ఆలస్యం చేయకుండా అమ్మాయి తల్లికి ఫోన్ చేసి, వెంటనే ఇంటికి పిలిపించారు. ఆ తర్వాత అమ్మాయి కుటుంబ సభ్యులతో వారు తీవ్ర వాగ్వాదానికి దిగారు. వధువును వెంటనే ఆమె పుట్టింటికి పంపించేశారు.
ఇప్పుడు ఈ వ్యవహారం పోలీస్ స్టేషన్కు చేరింది. అమ్మాయి తనకు ఈ విషయం ముందే చెప్పకుండా మోసం చేసిందని, పెళ్లయ్యాక అసలు నిజం బయటపడిందని వరుడి కుటుంబ సభ్యులు పోలీసులకు ఫిర్యాదు చేశారు. మరోవైపు, వధువు తల్లి పిపిగంజ్ పోలీస్ స్టేషన్లో ఫిర్యాదు చేస్తూ, తమ కూతురిని అత్తగారింటికి పంపాలని, కానీ అబ్బాయి కుటుంబం ఆమెను తీసుకెళ్లడానికి నిరాకరిస్తోందని పేర్కొంది.
పోలీసులు ఇరువర్గాలను పిలిపించి కౌన్సెలింగ్ ఇచ్చారు. పోలీసులు ఎంత నచ్చజెప్పినా ఇరుపక్షాలు తమ పంతానికే కట్టుబడ్డాయి. వధువును తిరిగి తీసుకెళ్లేందుకు వరుడి కుటుంబం నిరాకరించింది. చివరకు, ఒక వారం తర్వాత మళ్లీ పంచాయితీ జరపాలని నిర్ణయించి ఇరువర్గాలను ఇంటికి పంపేశారు. పోలీసులు మాట్లాడుతూ, చర్చల ద్వారా సమస్య పరిష్కారం కాకపోతే కేసు నమోదు చేస్తామని తెలిపారు.