జంతువులకు, మనుషులకు మధ్య ఉండే విడదీయలేని బంధాన్ని చాటిచెప్పే ఒక వీడియో నెటిజన్ల మనసు గెలుచుకుంటోంది.
ట్విట్టర్ (X)లో షేర్ చేయబడిన ఈ వీడియోలో, ఒక చిన్నారి చేతిలో నీళ్ల తుపాకీ (Water Gun) పట్టుకుని ఉన్నాడు. అల్లరిగా ఆ బాలుడు ఏనుగు వైపు చూస్తూ తుపాకీతో ‘కాల్చినట్లు’ నటిస్తాడు. ఆ తుపాకీ నుండి నీళ్లు రాగానే, ఆ గజరాజు నిజంగానే బుల్లెట్ తగిలినట్లుగా నటిస్తూ తూలి కింద పడిపోతుంది.
బాలుడు కంగారుగా తుపాకీ పక్కన పడేసి, ఏనుగు దగ్గరకు పరుగెత్తుకుంటూ వెళ్లి దానిని హత్తుకోగానే, ఆ గజరాజు వెంటనే లేచి మళ్ళీ ఆ బాలుడితో ఆడుకోవడం మొదలుపెడుతుంది. ఏనుగు చేసిన ఈ ‘ఆస్కార్’ స్థాయి నటనను చూసిన నెటిజన్లు, “నిజమైన ప్రేమ అంటే ఇదే” అంటూ మురిసిపోతూ కామెంట్స్ చేస్తున్నారు.