బెంగళూరు: జంగిల్ సఫారీలో వెళ్తుండగా ఒక వాహనం హఠాత్తుగా మొరాయించి దట్టమైన అడవి మధ్యలో నిలిచిపోయింది. ఆ వాహనాన్ని బాగు చేస్తున్న సమయంలోనే ఒక్కసారిగా పులి గర్జన వినిపించింది. ఆ తర్వాత అక్కడ ఏం జరిగిందో ఈ వైరల్ వీడియోలో చూడండి.
చాలా మంది అడవి జంతువులను చూడటం కోసం జీపుల్లో జంగిల్ సఫారీ చేస్తుంటారు. ఎంతో హుషారుగా జీపులో కూర్చుని అడవిలోని క్రూర మృగాలను వీక్షిస్తూ, ఫోటోలు తీసుకుంటూ ముందుకు సాగుతుంటారు.
అలాంటి వన్యప్రాణి ప్రేమికులకు (వైల్డ్లైఫ్ లవర్స్) సంబంధించిన ఒక వీడియో ఇప్పుడు సోషల్ మీడియాలో విపరీతంగా వైరల్ అవుతోంది.
నలుగురు వ్యక్తులు ఓపెన్ టాప్ జీపులో జంగిల్ సఫారీ చేస్తున్నప్పుడు ఈ సంఘటన జరిగింది. అడవి మార్గం మధ్యలో జీపు చక్రాలు ఒక్కసారిగా బురదలో కూరుకుపోయాయి. దీనివల్ల జీపు ముందుకు కదలలేక దట్టమైన అడవి మధ్యలోనే ఆగిపోయింది.
జీపులో ఉన్నవారంతా కలిసి దానిని బురద నుండి బయటకు తీసి, బాగు చేయడానికి ప్రయత్నిస్తూ ఉంటారు. సరిగ్గా అదే సమయంలో ఊహించని విధంగా ఒక్కసారిగా పులి గర్జిస్తున్న శబ్దం గట్టిగా వినిపిస్తుంది. దాంతో తీవ్ర భయాందోళనకు గురైన ప్రజలు.. క్షణాల్లో ప్రాణాలు చేతిలో పెట్టుకుని పరుగు పరుగున జీపు ఎక్కేసి, ఎలాంటి శబ్దం చేయకుండా బిక్కుబిక్కుమంటూ కూర్చుండిపోతారు. ఆ ఉత్కంఠభరితమైన వీడియోను ఇక్కడ చూడవచ్చు.