డొనాల్డ్ ట్రంప్ తన మొదటి పదవీకాలంలో భారత్‌కు మంచి చేశారా లేక రెండో పదవీకాలంలోనా? అని అడిగితే.. మొదటిసారి అధ్యక్షుడైనప్పుడే భారత్‌ను ప్రశంసించారు కాబట్టి అప్పుడే బాగుందని చాలామంది అంటారు. కానీ నిపుణుల అభిప్రాయం ప్రకారం, డొనాల్డ్ ట్రంప్ ఇప్పుడు (రెండో పదవీకాలంలో) భారత్‌కు మరింత మేలు చేస్తున్నారు. ట్రంప్ తన మొండితనం, అహంకారం మరియు నిర్ణయాలతో తెలియకుండానే భారత్‌ను ఒక సూపర్ పవర్‌గా మారుస్తున్నారు.
రెండవ ప్రపంచ యుద్ధం నుండి కొనసాగుతున్న పాత ప్రపంచ వ్యవస్థను (World Order) ట్రంప్ పూర్తిగా కుప్పకూల్చారు. ఆయన తన కోపంతో, మొండి వైఖరితో ప్రస్తుతం ఉన్న గ్లోబల్ సిస్టమ్‌ను మార్చకపోతే, ప్రపంచం దశాబ్దాలుగా సాగుతున్న పాత పద్ధతిలోనే సాగేది. ట్రంప్ నిర్ణయాల వల్ల ఇప్పుడు ప్రపంచానికి భారత్ ఒక్కటే ఆశగా కనిపిస్తోంది.
దీనికి ఒక ఉదాహరణ: ఇజ్రాయెల్ చారిత్రాత్మక నిర్ణయం తీసుకుంటూ.. రాబోయే 10 ఏళ్లలో అమెరికాపై తన సైనిక, ఆర్థిక ఆధారితత్వాన్ని తగ్గించుకుంటామని ప్రకటించింది. అంతేకాకుండా, భారత్‌తో భారీ ఫ్రీ ట్రేడ్ అగ్రిమెంట్ (FTA) కుదుర్చుకుంటామని, తన ఆయుధ తయారీని కూడా భారత్‌కు తరలిస్తామని తెలిపింది. ఇదంతా ట్రంప్ వైఖరి వల్లే సాధ్యమవుతోంది.
అలాగే, జనవరి 27న యూరోపియన్ యూనియన్ (EU) భారత్‌తో ‘మదర్ ఆఫ్ ఆల్ డీల్స్’ (భారీ వాణిజ్య ఒప్పందం) కుదుర్చుకుంది. దశాబ్దాలుగా భారత్‌ను తక్కువ చేసి చూసిన యూరప్, నేడు తన ఆర్థిక వ్యవస్థను కాపాడుకోవడానికి భారత్ వైపు చూస్తోంది. డొనాల్డ్ ట్రంప్ బెదిరింపుల తర్వాతే యూరప్ దేశాలకు తాము ఎంత బలహీనంగా ఉన్నామో అర్థమైంది.