కోల్‌కతాలోని నాగర్‌బజార్ ప్రాంతంలో ఒక వ్యాపారి ఇంట్లో జరిగిన ఈ సంచలన ఘటన స్థానికంగా కలకలం రేపింది. తన కుమార్తె స్నేహితులే ఇంట్లోని బంగారాన్ని దోచుకున్నారని తెలిసి ఆ తండ్రి దిగ్భ్రాంతికి గురయ్యాడు.
అసలేం జరిగింది?
దక్షిణ దమ్ దమ్ ప్రాంతానికి చెందిన ఇటుక బట్టీల యజమాని త్రిదిబ్ ఘోష్ (పేరు మార్చబడింది), తన భార్యతో కలిసి నవంబర్ 7న మూడు రోజుల పాటు బసిర్‌హాట్‌లోని తమ సొంత ఊరికి వెళ్లారు. ఇంట్లో 23 ఏళ్ల కుమార్తె ఒక్కతే ఉంది. తల్లిదండ్రులు వెళ్లడమే ఆలస్యం, ఆమె తన స్నేహితులతో కలిసి ఇంట్లో ‘పార్టీ’ ఏర్పాటు చేసుకుంది.
మద్యం, శృంగారం మరియు చోరీ:
పోలీసుల విచారణలో విస్తుపోయే నిజాలు బయటకు వచ్చాయి. ఆ యువతి ముందుగా జాదవ్‌పూర్‌కు చెందిన ఒక స్నేహితురాలిని ఇంటికి పిలిపించుకుంది. ఆ తర్వాత ఇన్‌స్టాగ్రామ్‌లో పరిచయమైన నలుగురు యువకులను కూడా ఇంటికి ఆహ్వానించింది. మూడు రోజుల పాటు ఆ ఇంట్లో విచ్చలవిడిగా మద్యం సేవించి, సామూహిక శృంగారంలో (Group Sex) మునిగిపోయారు. ఆ సమయంలోనే యువతి స్నేహితులు బీరువా తెరిచి సుమారు 15 తులాల బంగారు ఆభరణాలను (విలువ ₹20 లక్షలు) మరియు కొంత నగదును కాజేశారు.
పోలీసుల వేట – నిందితుల అరెస్ట్:
త్రిదిబ్ ఘోష్ దంపతులు ఇంటికి తిరిగి వచ్చి చూసేసరికి బీరువా ఖాళీగా ఉండటంతో పోలీసులకు ఫిర్యాదు చేశారు. రంగంలోకి దిగిన పోలీసులు ఆ యువతి స్నేహితులను విచారించి, ఇక్బాల్‌పూర్ ప్రాంతానికి చెందిన సిద్ధార్థ్ థాపా, జైన్ ఖాన్ అనే ఇద్దరు యువకులను అరెస్ట్ చేశారు.
నిందితుల విలాసవంతమైన జీవితం: నిందితులు పేద కుటుంబాలకు చెందిన వారైనప్పటికీ, వారి జీవనశైలి సెలబ్రిటీల స్థాయిలో ఉందని పోలీసులు గుర్తించారు. నిందితుడు సిద్ధార్థ్ తల్లి సెక్యూరిటీ గార్డుగా పనిచేస్తూ నెలకు ₹8000 సంపాదిస్తుంటే, అతను మాత్రం ₹1.30 లక్షల విలువైన ఐఫోన్ వాడుతున్నాడు. దొంగిలించిన బంగారాన్ని అమ్మి వచ్చిన డబ్బుతో వీరు హుక్కా బార్లలో, సింగింగ్ బార్లలో వేల రూపాయలు ఖర్చు చేసినట్లు తేలింది.