సోషల్ మీడియా పుణ్యమా అని ప్రపంచ దేశాల సంస్కృతులు, అక్కడి ప్రజల జీవన విధానాలను ప్రజలు ఇంట్లోనే కూర్చుని చూసేస్తున్నారు. ఈ క్రమంలోనే తాజాగా పాకిస్తాన్లోని ఒక చిన్న పల్లెటూరి సినిమా థియేటర్కు సంబంధించిన వీడియో ఒకటి ఇంటర్నెట్లో విడుదలై నెటిజన్లను విపరీతంగా ఆకట్టుకోవడమే కాకుండా తీవ్ర ఆశ్చర్యానికి గురిచేస్తోంది.
ఆధునిక వసతులు, భారీ స్క్రీన్లు ఉండే మల్టీప్లెక్స్ థియేటర్లను చూసి అలవాటు పడిన నేటి జనానికి.. ఈ వీడియోలో చూపించిన థియేటర్ మాత్రం సరికొత్త షాక్ ఇస్తోంది.
ఆ వైరల్ వీడియో ప్రారంభంలో ఒక వ్యక్తి మనల్ని ఆ పల్లెటూరి థియేటర్ లోపలికి తీసుకెళ్తాడు. చూడటానికి అచ్చం ఒక చిన్న కిరాణా కొట్టులా కనిపించే ఆ గదిలోకి వెళ్తే.. అక్కడ ఒక చిన్న రూమ్లో కేవలం 32 ఇంచుల ఎల్ఈడీ (LED) లేదా ఎల్సీడీ (LCD) టీవీని గోడకు తగిలించి ఉంచారు. ఇక దాని ముందు ప్రేక్షకులు కూర్చోవడానికి ఎలాంటి లగ్జరీ పుష్-బ్యాక్ సీట్లు లేవు; వాటికి బదులుగా పాతకాలపు చెక్క బెంచీలను వేశారు.
ఆ చిన్న గది పైకప్పుకు ఒక పాత ఫ్యాన్ కూడా తిరుగుతోంది. ఇక్కడ సినిమా చూడటానికి వచ్చే ప్రేక్షకులకు కేవలం 30 రూపాయలకే (పాకిస్తానీ కరెన్సీ) టీ విక్రయిస్తారట. జనాలు అక్కడ బెంచీలపై కూర్చుని, వేడి వేడి టీ తాగుతూ, ముచ్చట్లు చెప్పుకుంటూ ఆ చిన్న టీవీలోనే సినిమాలు చూసి ఎంజాయ్ చేస్తారని ఆ వీడియోలో వివరించారు.
‘moolchandparmar’ అనే ఇన్స్టాగ్రామ్ పేజీలో షేర్ చేయబడి, ప్రస్తుతం లక్షలాది వ్యూస్తో దూసుకుపోతున్న ఈ వీడియో యొక్క వాస్తవికత వ్యక్తిగతంగా ధృవీకరించబడనప్పటికీ.. ఇది నెటిజన్ల మధ్య ఒక పెద్ద హాట్ టాపిక్గా మారింది. ఈ వీడియోను చూసిన చాలా మంది నెటిజన్లు “దీనికంటే మా ఇంట్లో ఉండే టీవీనే చాలా పెద్దది బాబోయ్” అంటూ వ్యంగ్యంగా కామెంట్లు పెడుతున్నారు. మరికొందరు మన భారతదేశంలోని అత్యాధునిక మల్టీప్లెక్స్ వసతులతో దీనిని పోలుస్తూ పాకిస్తాన్ పేదరికంపై, అక్కడి పరిస్థితులపై ఓ రేంజ్లో జోకులు పేల్చుతున్నారు.
Leave a Reply