“దుస్తులు విప్పాలని చెప్పి డాక్టర్ లైంగిక వేధింపులు..!” ప్రైవేట్ భాగాలను తాకిన కిరాతకం.. వెంటనే ఫిర్యాదు చేయడంతో అడ్డంగా దొరికిపోయిన వైద్యుడు.. ఆసుపత్రిలో కలకలం..!!

అసోం రాష్ట్రంలోని గౌహతి మెడికల్ కాలేజ్ హాస్పిటల్‌లో తీవ్ర దిగ్భ్రాంతికర ఘటన చోటుచేసుకుంది. తన అల్లుడి మెడికల్ రిపోర్టులు చూపించేందుకు వచ్చిన ఓ మహిళపై, వైద్య పరీక్షల నెపంతో లైంగిక దాడికి పాల్పడినట్లు ఆరోపణలు ఎదుర్కొంటున్న వైద్యుడిపై పోలీసులు కేసు నమోదు చేసి విచారణ ప్రారంభించారు.

బాధిత మహిళ తన అల్లుడి వైద్య నివేదికలను చూపించడానికి వెళ్లిన సమయంలో, ఆ వైద్యుడు ఆమెతో పాటు వచ్చిన బంధువును బయటకు పంపించివేశాడు. అనంతరం ఆమె వ్యక్తిగత జీవితం, ప్రేమ వ్యవహారాలకు సంబంధించి అసభ్యకరమైన ప్రశ్నలు అడగడం ప్రారంభించాడు.

ఎదురుగా ఉన్నది వైద్యుడే కదా అని ఆమె మొదట్లో సాధారణ పరీక్షలకే అనుకుంది. అయితే, ఆ డాక్టర్ ఆమె దుస్తులు విప్పాలని బలవంతం చేయడమే కాకుండా, ఆమె అనుమతి లేకుండా ప్రైవేట్ భాగాలను తాకుతూ తీవ్ర అసభ్యంగా ప్రవర్తించాడని బాధితురాలు తన ఫిర్యాదులో పేర్కొంది.

ఈ అనూహ్య ఘటనతో తీవ్ర దిగ్భ్రాంతికి, భయాందోళనలకు గురైన ఆ మహిళ వెంటనే స్థానిక పోలీసులను ఆశ్రయించింది. ఆమె ఇచ్చిన ఫిర్యాదు ఆధారంగా పోలీసులు తక్షణమే కేసు నమోదు చేసుకుని, సదరు వైద్యుడిని అదుపులోకి తీసుకుని ముమ్మరంగా విచారిస్తున్నారు.

ప్రభుత్వ ఆధ్వర్యంలోని ప్రముఖ పెద్ద ఆసుపత్రుల్లో సైతం ఇలాంటి అమానవీయ ఘటనలు చోటుచేసుకోవడం రోగులు, వారి సహాయకుల భద్రతపై తీవ్ర ప్రశ్నలను లేవనెత్తుతోంది. పోలీసుల సమగ్ర దర్యాప్తు పూర్తయిన తర్వాతే ఈ ఘటనకు సంబంధించిన పూర్తి వాస్తవాలు వెలుగులోకి రానున్నాయి.