మహారాష్ట్రలోని పూణే సమీపంలోని నిగ్డీ ప్రాంతంలో ఉన్న యమునా నగర్ దేవాలయానికి దేవుడి దర్శనానికి వెళ్లిన బాలికపై లైంగిక వేధింపులకు పాల్పడిన ఘటన ఆ ప్రాంతంలో తీవ్ర సంచలనం సృష్టించింది.
మెట్రో నిర్మాణ పనుల్లో కాంట్రాక్ట్ కార్మికుడిగా పనిచేస్తున్న విశాల్ సింగ్ అనే వ్యక్తి, ఆలయానికి వచ్చిన బాలికపై లైంగిక వేధింపులకు పాల్పడ్డాడు. ఈ అఘాయిత్యం దేవాలయంలో ఏర్పాటు చేసిన సీసీటీవీ కెమెరాలో స్పష్టంగా రికార్డైంది.
దేవాలయంలో ప్రజల సమక్షంలో జరిగిన ఈ ఘటనతో ఆ ప్రాంతంలో తీవ్ర నిరసనలు వ్యక్తమయ్యాయి. బాలికపై జరిగిన వేధింపుల గురించి సమాచారం అందుకున్న వెంటనే నిగ్డీ పోలీస్ స్టేషన్ సీనియర్ ఇన్‌స్పెక్టర్ మహేష్ బన్సోడే నేతృత్వంలోని పోలీసులు వెంటనే విచారణ జరిపి, నిందితుడిని రెడ్ హ్యాండెడ్‌గా అరెస్ట్ చేశారు. అంతేకాకుండా, నిందితుడిపై భారతీయ న్యాయ సంహిత (BNS) సెక్షన్ 74 మరియు పోక్సో (POCSO) చట్టం కింద కేసులు నమోదు చేశారు.
ఈ ఘటనతో ఆ ప్రాంతంలోని మహిళలు, పిల్లల భద్రతపై ప్రజలు తీవ్ర ఆందోళన వ్యక్తం చేస్తున్నారు. నిర్మాణ పనుల నిమిత్తం వచ్చే కాంట్రాక్ట్ కార్మికుల నేపథ్యాన్ని సరిగ్గా పరిశీలించాలని, దోషులకు కఠిన శిక్ష విధించాలని ప్రజలు డిమాండ్ చేస్తున్నారు. పోలీసులు ఈ కేసుపై దర్యాప్తును ముమ్మరం చేశారు.
Leave a Reply