అమెరికాలోని ‘క్యూటీ’ (QT) స్టోర్లో తన ఇద్దరు చిన్నారి కుమార్తెలను లేడీస్ టాయిలెట్ కి తీసుకువెళ్లిన ఒక తండ్రితో, అక్కడున్న మరొక వ్యక్తి తప్పుగా మాట్లాడి గొడవకు దిగడమే కాకుండా పోలీసులను కూడా రప్పించిన సంఘటన ఇటీవల సోషల్ మీడియాలో తీవ్ర చర్చనీయాంశంగా మారింది.
భద్రతా కారణాల దృష్ట్యా చిన్న పిల్లలను ఒంటరిగా పంపకుండా, ఆ తండ్రి వారితో పాటు తోడుగా వెళ్లడాన్ని సదరు వ్యక్తి అనవసరంగా పెద్ద రచ్చ చేసి వృధా గొడవకు దిగాడు. ఈ నేపథ్యంలో, ఈ సంఘటనకు సంబంధించి ఆ తండ్రి తాజాగా ఒక ముఖ్యమైన అప్డేట్ను పంచుకున్నాడు.
ఘటనా స్థలానికి చేరుకున్న పోలీసులు, ఆ తండ్రి వైపు ఎలాంటి తప్పు లేదని గ్రహించి, అతనికి పూర్తి మద్దతుగా నిలిచారు. అంతటితో ఆగకుండా, ఎలాంటి అత్యవసర పరిస్థితి (ఎమర్జెన్సీ) లేనప్పటికీ, అనవసరంగా పోలీసులకు ఫోన్ చేసి వారి విలువైన సమయాన్ని, ప్రభుత్వ యంత్రాంగ వనరులను వృధా చేసినందుకు గాను.. గొడవకు దిగిన ఆ వ్యక్తిపైనే పోలీసులు తీవ్ర ఆగ్రహం వ్యక్తం చేస్తూ భారీగా జరిమానా (ఫైన్) విధించారు. తప్పు చేయని తండ్రికి మద్దతుగా పోలీసులు తీసుకున్న ఈ తక్షణ కఠిన చర్యకు ప్రస్తుతం ఇంటర్నెట్లో నెటిజన్ల నుండి పెద్ద ఎత్తున ప్రశంసలు మరియు మద్దతు లభిస్తోంది.