భారతదేశంలో ఇటీవల యువతలో గుండెపోటు (Heart Attack) మరియు ఆకస్మిక కార్డియాక్ అరెస్ట్ (Cardiac Arrest) కేసులు విపరీతంగా పెరిగిపోయాయి. వ్యాయామం చేస్తున్నప్పుడో, నడుస్తున్నప్పుడో లేదా కూర్చున్నప్పుడో ఒక్కసారిగా కుప్పకూలిపోతున్న సంఘటనలు మనం చూస్తూనే ఉన్నాం. దీనికి గల వింతైన మరియు ఆశ్చర్యకరమైన కారణాన్ని ఆస్ట్రియాకు చెందిన ప్రముఖ కార్డియాలజిస్ట్ డాక్టర్ హెగెల్ (Dr. Heigl) తన పరిశోధనలో వెల్లడించారు.
ఉదయం 6 నుండి 10 గంటల మధ్యే ఎందుకు?
సుమారు 1,20,000 మంది రోగుల డేటాను విశ్లేషించిన డాక్టర్ హెగెల్, మరే ఇతర సమయం కంటే ఉదయం 6 గంటల నుండి 10 గంటల మధ్య హార్ట్ ఎటాక్ వచ్చే ప్రమాదం 40 శాతం ఎక్కువగా ఉందని కనుగొన్నారు. దీనికి కారణం ఆహారం లేదా వాతావరణం కాదు, నిద్రలేవగానే మనం ఇచ్చే ‘ఆకస్మిక ప్రేరణ’ (Sudden Trigger).
ఆ ప్రమాదకరమైన అలవాట్లు ఇవే:
- తటాలున లేవడం: నిద్రలేవగానే అలారం కొట్టగానే కంగారుగా బెడ్ మీద నుండి దూకడం.
- వెంటనే మొబైల్ వాడటం: కళ్ళు తెరవగానే మెసేజ్‌లు లేదా సోషల్ మీడియా చూడటం వల్ల మెదడుపై ఒక్కసారిగా ఒత్తిడి పడుతుంది.
- ఆకస్మిక షాక్: నిద్రలేవగానే ఏదైనా భయంకరమైన వార్త వినడం లేదా చూడటం.
శరీరంలో ఏం జరుగుతుంది?
మనం నిద్రలేచే సమయంలో శరీరంలో కార్టిసాల్ (Cortisol) స్థాయిలు పెరుగుతాయి, రక్తపోటు (BP) పెరుగుతుంది మరియు ప్లేట్‌లెట్స్ జిగటగా మారుతాయి. మన నరాల మండలం మళ్ళీ భూమ్యాకర్షణ శక్తికి (Gravity) అలవాటు పడటానికి కనీసం 5 నిమిషాల సమయం పడుతుంది. ఈ సమయంలో కంగారుగా పనులు చేయడం వల్ల గుండెపై విపరీతమైన ఒత్తిడి పడి రక్తనాళాల్లో పూడికలు ఏర్పడే ప్రమాదం పెరుగుతుంది.
డాక్టర్ హెగెల్ సూచిస్తున్న ‘సురక్షితమైన మార్గం’:
- నెమ్మదిగా లేవండి: అలారం మోగగానే కంగారు పడకుండా, కళ్ళు తెరిచి పడకపైనే ఉండండి.
- గాఢ శ్వాస: లేవడానికి ముందు పడుకున్న స్థితిలోనే 3 సార్లు నెమ్మదిగా, దీర్ఘంగా శ్వాస తీసుకోని వదలండి.
- 5 నిమిషాల విరామం: నిద్రలేచిన తర్వాత కనీసం 5 నిమిషాలు ప్రశాంతంగా కూర్చుని, ఆపై మంచి నీరు తాగండి.
- మొబైల్‌కు దూరం: నిద్రలేచిన కనీసం 10 నిమిషాల వరకు మొబైల్ ఫోన్ ముట్టుకోకండి.
ఈ పద్ధతిని 6 వారాల పాటు పాటించిన రోగులలో రక్తపోటు 70 శాతం వరకు తగ్గినట్లు డాక్టర్ హెగెల్ పేర్కొన్నారు.