అమెరికాలోని టెక్సాస్ రాష్ట్రం, ఫ్రిస్కో (Frisco) ప్రాంతంలో నివసించే ఒక అమెరికన్, తన పొరుగున ఉన్న భారతీయ కుటుంబం గురించి ‘రెడ్డిట్’ (Reddit) వేదికగా చేసిన ఫిర్యాదు ఇప్పుడు పెద్ద చర్చకు దారితీసింది.
రాత్రి సమయంలో ఒక ఆస్ట్రేలియన్ కంపెనీలో పనిచేసి, తెల్లవారుజామున 3 గంటలకు నిద్రపోవడానికి వెళ్లే సదరు వ్యక్తి.. సరిగ్గా 5 గంటలకే పక్కింటి భారతీయ కుటుంబం నిద్రలేచి వాకిలి శుభ్రం చేయడం, నీళ్లు చల్లి ముగ్గులు (Rangoli) వేయడం వంటి పనులు చేయడం వల్ల తన నిద్రకు భంగం కలుగుతోందని ఆవేదన వ్యక్తం చేశాడు.
దీనిపై అతను ఆ భారతీయ కుటుంబాన్ని ప్రశ్నించగా, “ఇది మా సంస్కృతి మరియు మా దైనందిన అలవాటు” అని వారు ప్రశాంతంగా సమాధానం ఇచ్చారు. అయితే, అమెరికాలోని శబ్ద నియంత్రణ చట్టాల (Noise Ordinance) ప్రకారం, తెల్లవారుజామున శబ్దాలు చేయడం చట్టరీత్యా నేరమని పలువురు ఆ అమెరికన్కు మద్దతుగా కామెంట్లు చేస్తున్నారు. మరోవైపు, ఈ పోస్ట్ భారతీయులకు వ్యతిరేకంగా ఉద్దేశపూర్వకంగా చేస్తున్న జాత్యహంకార ప్రచారమని ఇంకొందరు మండిపడుతున్నారు. పొరుగువారి మధ్య మొదలైన ఒక చిన్న వివాదం, ఇప్పుడు అమెరికాలో నివసిస్తున్న భారతీయుల వలసలు మరియు సాంస్కృతిక మూలాల గురించి పెద్ద చర్చగా మారింది.