“నేను ఆమెను ప్రేమిస్తున్నాను..! కానీ ఒప్పుకోవడం లేదు”.. పెళ్లయిన వెంటనే స్నేహితుడి వద్దకు వెళ్లి ఐడియా అడిగిన యువకుడు.. నడిరోడ్డుపై కానిస్టేబుల్ కుమార్తెకు ఘోరం.. కాలిన ముఖంతో ఆర్తనాదాలు.. కొత్త పెళ్ళాంతో నిందితుడు ఎస్కేప్!

ఛత్తీస్‌గఢ్ రాష్ట్రం బాలోద్ జిల్లాలో, ఎప్పటిలాగే లైబ్రరీలో చదువు ముగించుకుని ఇంటికి తిరిగి వెళ్తున్న 22 ఏళ్ల విద్యార్థినిపై ఊహించని దారుణం జరిగింది. ఈ దాడితో ఆ ప్రాంతమంతా తీవ్ర దిగ్భ్రాంతికి గురైంది.

పోలీస్ హెడ్ కానిస్టేబుల్‌గా పనిచేస్తున్న ఓ వ్యక్తి కుమార్తె అయిన ఆ యువతి, ఎం.ఏ. సోషియాలజీ పూర్తి చేసి పోటీ పరీక్షలకు సిద్ధమవుతోంది. సోమవారం నాడు లైబ్రరీలో చదువుకుని ఇంటికి వెళ్తుండగా, ఓ గుర్తుతెలియని వ్యక్తి అకస్మాత్తుగా ఆమెపై యాసిడ్ దాడి చేశాడు.

రెప్పపాటులో జరిగిన ఈ దాడిలో విద్యార్థిని ముఖం కుడి భాగం, కన్ను మరియు శరీర భాగాలు తీవ్రంగా కాలిపోయాయి. నొప్పి తట్టుకోలేక ఆమె పెట్టిన కేకలు విని చుట్టుపక్కల ప్రజలు పరుగున వచ్చి, వెంటనే ఆమెను కాపాడి ఆసుపత్రికి తరలించారు. ప్రస్తుతం ఆమెకు ప్లాస్టిక్ సర్జరీ విభాగంలో తీవ్ర చికిత్స అందిస్తున్నారు.

ఈ ఘటన వెనుక ఉన్న నిజాలు మరింత షాకింగ్‌గా ఉన్నాయి. బాలోద్ ప్రాంతానికి చెందిన ఓ యువకుడు ఆ విద్యార్థినిని వన్‌సైడ్ లవ్ చేస్తున్నాడు. సోమవారం నాడు కరణ్ కుంజమ్ అనే స్నేహితుడి పెళ్లికి హాజరైన ఆ యువకుడు, తన ఏకపక్ష ప్రేమ గురించి చెప్పి తనకు సాయం చేయాలని కరణ్‌ను కోరాడు. స్నేహం పేరుతో ఆ పనికి ఒప్పుకున్న కరణ్, లైబ్రరీ నుంచి వస్తున్న యువతిపై యాసిడ్ పోసి దాడి చేశాడు. అనంతరం పెళ్లయిన వెంటనే తన కొత్త భార్యతో కలిసి బాలోద్ ప్రాంతం నుంచి పరారయ్యాడు.

ఈ ఘటనపై తీవ్ర దర్యాప్తు చేపట్టిన పోలీసులు, పారిపోవడానికి ప్రయత్నించిన ఇద్దరు ప్రధాన నిందితులను ఓ మహీంద్రా బస్సులో అదుపులోకి తీసుకుని అరెస్ట్ చేశారు. బాధితురాలికి ఆసుపత్రిలో చికిత్స కొనసాగుతుండగా, పట్టుబడిన ఇద్దరు నిందితులను పోలీసులు ముమ్మరంగా విచారిస్తున్నారు.