మీరెప్పుడైన పంజాబ్ యూనివర్సిటీకి వెళ్లారా? వెళ్లకపోతే, అక్కడ మీకు ఏం కనిపిస్తుందని ఊహిస్తారు? సైకిళ్లు, పుస్తకాలతో తరగతులకు వెళ్లే విద్యార్థులు లేదా విశాలమైన పచ్చని రోడ్లు కదా!
కానీ, ఈ వైరల్ వీడియో చూస్తే మీ అభిప్రాయం మారుతుంది. పంజాబ్ యూనివర్సిటీలో (PU) డిగ్రీల కోసం వేటాడుతున్న విద్యార్థుల కంటే ఎక్కువగా, రోడ్ల పక్కన బారులు తీరిన ‘మహీంద్రా థార్’ కాన్వాయ్‌లే మీకు కనిపిస్తాయి. ప్రస్తుతం ట్రెండింగ్‌లో ఉన్న ఒక క్లిప్‌లో, ఇద్దరు యువకులు స్కూటీపై వెళ్తూ క్యాంపస్‌ను వీడియో తీశారు. రోడ్డు పక్కన పార్క్ చేసిన ప్రతి వాహనం దాదాపుగా మహీంద్రా థార్ కావడంతో వారు ఆశ్చర్యపోయారు. వీడియో తీస్తున్న వ్యక్తి ప్రతి కొన్ని మీటర్లకు ఒక థార్‌ను చూపిస్తూ, “థార్.. థార్.. థార్..” అంటూ రోల్ కాల్ చేస్తున్నట్లు కామెంటరీ ఇచ్చాడు.
పంజాబ్ యూనివర్సిటీలో ఒక సాధారణ రోజు: ఒకే రకమైన వాహనాలు ఇన్ని సంఖ్యలో ఉండటం చూసి, ఆ వీడియోను షేర్ చేసిన ఇన్‌స్టాగ్రామ్ యూజర్ దీనిని సరదాగా “థార్ యూనివర్సిటీ” అని పిలిచారు. దీనికి “పంజాబ్ యూనివర్సిటీలో ఒక సాధారణ రోజు” అని క్యాప్షన్ ఇచ్చారు.
సోషల్ మీడియా స్పందన: నెటిజన్లు ఈ వీడియోపై రకరకాల జోకులు పేలుస్తున్నారు. “హర్ ఘర్ థార్ యోజన” (ఇంటింటికీ థార్ పథకం) అని ఒకరు కామెంట్ చేయగా, మరొకరు దీనిని “థార్యానా” అని పిలిచారు. “ఒకప్పుడు బుల్లెట్ క్రేజ్ ఉండేది, తర్వాత ఫోర్డ్ ఎకోస్పోర్ట్ వచ్చింది, ఇప్పుడు థార్ నడుస్తోంది.. బ్రాండ్లు మారుతున్నాయి కానీ పంజాబీ స్పిరిట్ మాత్రం అలాగే ఉంది” అని ఇంకొకరు పాత జ్ఞాపకాలను నెమరువేసుకున్నారు.