కర్ణాటక: భర్త అక్రమ సంబంధాన్ని నిలదీసిందనే కోపంతో, 26 ఏళ్ల వివాహితను ఇనుప రాడ్డుతో కొట్టి చంపిన ఘటన కర్ణాటకలో సంచలనం సృష్టించింది.
కర్ణాటకలోని బీదర్ తాలూకా హోన్నికేరి గ్రామానికి చెందిన సంజన (26) దారుణ హత్యకు గురయ్యారు. ఈ ఘటనపై భారత సైన్యంలో పనిచేస్తున్న ఆమె భర్త భగవత్ జ్ఞానేశ్వర్పై పోలీసులు కేసు నమోదు చేశారు. రెండేళ్ల క్రితం వివాహం చేసుకున్న ఈ దంపతులు, బీదర్లోని శివనగర్ ప్రాంతంలో నివసిస్తున్నారు.
ప్రారంభంలో వీరి వైవాహిక జీవితం సజావుగా సాగినా, భర్త భగవత్కు పక్కింటి మహిళతో అక్రమ సంబంధం ఉందని సంజనకు తెలిసింది. ఈ విషయాన్ని ఆమె ప్రశ్నించడంతో, దంపతుల మధ్య తరచుగా గొడవలు జరుగుతుండేవి. ఈ క్రమంలో, జూన్ 25న సంజనను ప్రార్థన కోసం పాల్కి తాలూకాలోని మైలార్ మల్లన్న ఆలయానికి భగవత్ కారులో తీసుకెళ్లాడు. తిరుగు ప్రయాణంలో, హోన్నికేరి అటవీ ప్రాంతంలోని జగదేశ్వరి మఠం సమీపంలో కారును ఆపి, ముందే దాచి ఉంచిన ఇనుప రాడ్డుతో భగవత్ తన భార్య తల మరియు మెడపై దాడి చేశాడని ఆరోపణ.
ఈ దాడిలో తీవ్రంగా గాయపడిన సంజనను, చికిత్స కోసం మహారాష్ట్రలోని సోలాపూర్లో ఉన్న ఒక ప్రైవేట్ ఆసుపత్రికి తరలించారు. అక్కడ చికిత్స పొందుతూ సోమవారం సాయంత్రం ఆమె మరణించారు. అనంతరం మృతదేహాన్ని పోస్టుమార్టం నిమిత్తం బీదర్లోని BRIMS ఆసుపత్రికి తరలించారు. ఈ దారుణ ఘటనపై తన్నూరు పోలీస్ స్టేషన్ పోలీసులు కేసు నమోదు చేశారు. ప్రస్తుతం పరారీలో ఉన్న ఆర్మీ జవాన్ భగవత్ కోసం గాలింపు చర్యలు ముమ్మరం చేశారు.