“పని తప్పించుకోవడానికి ఇలా చేస్తారా?”. రాత్రికి రాత్రే దుకాణం ముందు మృతదేహాన్ని పడేసిన పోలీసులు.. సీసీటీవీలో చిక్కిన ముగ్గురు.. వైరల్ అవుతున్న భయంకర వీడియో..!!

ఉత్తరప్రదేశ్‌లోని మీరట్ నగరంలోని (Meerut, UP) లోహియానగర్ ప్రాంతంలో (Lohiyanagar) ఒక దుకాణం ముందు గుర్తు తెలియని యువకుడి మృతదేహం పడి ఉండటాన్ని చూసి, దుకాణదారులు షాక్ అయ్యారు.

ఆ దుకాణంలో ఉన్న సీసీటీవీ దృశ్యాలను పరిశీలించినప్పుడు, అధికారిక యూనిఫాంలో ఉన్న కొందరు పోలీసులు రాత్రికి రాత్రే ఆ మృతదేహాన్ని అక్కడికి తీసుకొచ్చి పడేసి వెళ్లినట్లు తేలింది.

పోస్టుమార్టం (Postmortem) ప్రక్రియల సమస్యలను నివారించే ఉద్దేశంతో, సరిహద్దు సమస్యను సృష్టించే విధంగా, ఒక పోలీస్ స్టేషన్ పరిధిలో లభించిన మృతదేహాన్ని రాత్రిపూట వేరే పోలీస్ స్టేషన్ పరిధిలోకి తీసుకొచ్చి పడేశారు.

ఈ సీసీటీవీ వీడియో సోషల్ మీడియాలో వైరల్ కావడంతో ప్రజలలో తీవ్ర ఆగ్రహం వ్యక్తమైంది. వెంటనే స్పందించిన మీరట్ పోలీసు సూపరింటెండెంట్ (SSP), ఒక అవుట్‌పోస్ట్ ఇన్‌ఛార్జ్, ఒక కానిస్టేబుల్ మరియు ఒక హోమ్ గార్డ్‌తో సహా ముగ్గురిపై సస్పెన్షన్, తొలగింపు వంటి తక్షణ చర్యలు తీసుకున్నారు.