నటుడు, నిర్మాత విజ్ఞాన్ మనే.. పలాష్ ముచ్చల్‌పై తీవ్రమైన ఆరోపణలు చేశారు. పలాష్ స్మృతిని మోసం చేశాడని, అలాగే తన వద్ద నుండి ₹40 లక్షలకు పైగా తీసుకుని తిరిగి ఇవ్వకుండా వేధిస్తున్నాడని మహారాష్ట్రలోని సాంగ్లీలో పోలీసులకు ఫిర్యాదు చేశారు.
విజ్ఞాన్ మనే చేసిన ప్రధాన ఆరోపణలు:
- రెడ్ హ్యాండెడ్ గా దొరికాడు: “నవంబర్ 23, 2025న పెళ్లి వేడుకలు జరుగుతున్న సమయంలో పలాష్ మరో మహిళతో బెడ్ మీద రెడ్ హ్యాండెడ్ గా దొరికిపోయాడు. అది చాలా భయానక దృశ్యం. ఆ సమయంలో అక్కడున్న భారత మహిళా క్రికెటర్లు అతన్ని చితకబాదారు.”
- ఆర్థిక మోసం: విడుదల కాబోయే ఒక సినిమా కోసం తనతో ₹40 లక్షలు పెట్టుబడి పెట్టించి, ఇప్పుడు మళ్ళీ డబ్బులు అడుగుతున్నారని విజ్ఞాన్ పేర్కొన్నారు. డబ్బులు ఇవ్వకపోతే సినిమా నుండి తీసేస్తామని పలాష్ కుటుంబం బ్లాక్‌మెయిల్ చేస్తోందని ఆరోపించారు.
- పెళ్లి రద్దు: ఈ ఘటన తర్వాతే పెళ్లి రద్దయ్యిందని, అప్పటి నుండి పలాష్ కుటుంబం తనను అన్ని చోట్లా బ్లాక్ చేసిందని విజ్ఞాన్ తెలిపారు. తన వద్ద అన్ని ఆధారాలు ఉన్నాయని, పోలీసులకు సమర్పిస్తానని ఆయన చెప్పారు.
పలాష్ ముచ్చల్ స్పందన:
ఈ ఆరోపణలపై పలాష్ ఇన్‌స్టాగ్రామ్ ద్వారా స్పందిస్తూ.. “విజ్ఞాన్ మనే చేసిన ఆరోపణలన్నీ అవాస్తవం. నా ప్రతిష్టను దెబ్బతీయడానికే ఇలా చేస్తున్నారు. దీనిపై నా లాయర్ ద్వారా చట్టపరంగా ముందుకెళ్తాను” అని పేర్కొన్నారు.
నేపథ్యం:
స్మృతి మంధాన, పలాష్ ముచ్చల్ పెళ్లి 2025 నవంబర్ 23న జరగాల్సి ఉంది. కానీ మొదట వాయిదా పడి, డిసెంబర్‌లో పూర్తిగా రద్దు చేసుకుంటున్నట్లు ఇద్దరూ ప్రకటించారు. స్మృతి తన ప్రైవసీని గౌరవించాలని కోరగా, పలాష్ మాత్రం పుకార్ల వల్ల తన జీవితం కష్టాల్లో ఉందని ఆవేదన వ్యక్తం చేశారు.