సోషల్ మీడియా మరియు మెసేజింగ్ యాప్స్లో సంచలన వార్తలకు, పుకార్లకు కొదవే ఉండదు.
ముఖ్యంగా వ్యక్తుల వ్యక్తిగత జీవితాలకు మచ్చ తెచ్చేలా, అసభ్యకరమైన శీర్షికలతో షేర్ చేసే కొన్ని వీడియోలు క్షణాల్లో నెటిజన్ల దృష్టిని ఆకర్షిస్తుంటాయి. సరిగ్గా ఇలాగే ఇటీవల ‘టీచర్-స్టూడెంట్ లీక్డ్ వీడియో’, ‘5:40 నిమిషాల MMS స్కాండల్’, మరియు ’30 నిమిషాల 04 సెకన్ల పూర్తి వీడియో’ అనే షాకింగ్ క్యాప్షన్లతో ఒక వీడియో సోషల్ మీడియాలో దావానలంలా వ్యాపించి తీవ్ర కలకలం రేపింది.
పాకిస్తాన్లోని కరాచీ నగరంలోని ఒక పాఠశాలలో జరిగిన ఘటనా వీడియోగా పేర్కొంటూ ప్రచారం చేయడంతో.. నెటిజన్లు ఇది నిజమేనని నమ్మి తీవ్ర విస్మయానికి గురయ్యారు. అయితే వాస్తవానికి ఇది ఏ తరగతి గదిలోనో లేదా పాఠశాలలోనో రహస్యంగా చిత్రీకరించిన వాస్తవ ఘటన కాదని ఫ్యాక్ట్ చెక్ పరిశోధనలో తేలిపోయింది.
ప్రముఖ మీడియా సంస్థ ‘డైలీ పాకిస్తాన్’ (Daily Pakistan) మరియు డిజిటల్ నిపుణుల సాంకేతిక విశ్లేషణ ప్రకారం.. ఈ వైరల్ వీడియో వెనుక ఉన్న నిజం పూర్తిగా భిన్నమైనది. ఆ వీడియోను నిశితంగా పరిశీలిస్తే, అందులో ఒక వాణిజ్య అడల్ట్ వెబ్సైట్ వాటర్మార్క్ స్పష్టంగా కనిపించింది. సదరు వెబ్సైట్ డొమైన్ రికార్డులను పరిశీలించగా, అది 2023లోనే ఆన్లైన్లో అప్లోడ్ చేయబడిన పాత కమర్షియల్ వీడియోగా నిర్ధారణ అయ్యింది.
సోషల్ మీడియాలో తమ పేజీలు, ఖాతాలకు ఎక్కువ వ్యూస్, క్లిక్స్ దక్కించుకోవాలనే దురుద్దేశంతోనే కొందరు కేటుగాళ్లు ఇలాంటి పాత వీడియోలను తీసుకుని అవాస్తవమైన, పచ్చి అబద్ధపు శీర్షికలు పెట్టి ప్రచారం చేస్తున్నారు. నెటిజన్ల ఉత్సుకతను సొమ్ము చేసుకుంటూ తప్పుడు ప్రచారం చేసే ఇలాంటి ఫేక్ వార్తలను, వీడియోలను నమ్మవద్దని నిపుణులు స్పష్టం చేస్తున్నారు.