ఇంట్లో నెయ్యి తయారు చేసుకోవాలంటే ప పాలపై మీగడ ఎక్కువగా రావడం ముఖ్యం. మీగడ సరిగ్గా రావడం లేదని ఫిర్యాదు చేసే గృహిణుల కోసం ఒక అద్భుతమైన సీక్రెట్ ట్రిక్ ఇక్కడ ఉంది.
1. గిన్నె అంచులకు నెయ్యి రాయండి: పాలు కాచే ముందు, ఆ గిన్నె పైభాగంలో అంచు చుట్టూ కొంచెం నెయ్యి రాయండి. దీనివల్ల పాలు పొంగి బయటకు రావు. పాలు ఎంత సేపు మరిగితే మీగడ అంత బాగా కడుతుంది.
2. సీక్రెట్ చిట్కా – బియ్యం గింజలు: అవును, పాలు మరిగేటప్పుడు అందులో కొన్ని పచ్చి బియ్యం గింజలను వేయండి. మరీ ఎక్కువగా వద్దు, కేవలం కొన్ని గింజలు వేస్తే సరిపోతుంది. ఇది వినడానికి వింతగా ఉన్నా, దీనివల్ల మీగడ చాలా చిక్కగా, రొట్టె అంత మందంగా కడుతుంది. ఒకసారి ప్రయత్నించి చూడండి, మీరే ఆశ్చర్యపోతారు.
3. మంట తగ్గించండి: పాలు పొంగు వచ్చేటప్పుడు వెంటనే స్టవ్ ఆపేయకండి. మంటను పూర్తిగా తగ్గించి (సిమ్ లో ఉంచి) కనీసం 5-10 నిమిషాల పాటు చిన్నగా మరగనివ్వండి. ఇలా చేయడం వల్ల పాలలోని తేమ తగ్గి మీగడ చిక్కగా మారుతుంది.
4. చల్లారే వరకు కదపకండి: పాలు కాచిన తర్వాత వెంటనే మూత పెట్టేయకండి. పైన గాలి ఆడేలా జల్లెడ లాంటి మూత పెట్టి పూర్తిగా చల్లారనివ్వండి. పాలు వేడిగా ఉన్నప్పుడు ఫ్రిజ్‌లో పెట్టకూడదు.
5. ఫ్రిజ్‌లో ఉంచండి: పాలు గది ఉష్ణోగ్రతకు వచ్చిన తర్వాత మాత్రమే ఫ్రిజ్‌లో పెట్టాలి. కనీసం 3 నుండి 4 గంటల పాటు ఫ్రిజ్‌లో కదపకుండా ఉంచితే, పైన గడ్డకట్టినట్లుగా మందపాటి మీగడ తయారవుతుంది. ఆ తర్వాత స్పూన్ లేదా చాకుతో అంచులను స్క్రాచ్ చేసి మీగడను సులభంగా వేరు చేయవచ్చు.