జైసల్మేర్: రాజస్థాన్లోని ఒక ప్రభుత్వ ఆసుపత్రిలో వైద్యుల నిర్లక్ష్యం కారణంగా ఒక మహిళా బాధితురాలు తీవ్ర ఇబ్బందులు ఎదుర్కొన్నారు. తనకి సమస్యగా ఉన్న చెడిపోయిన పంటిని తీయించుకోవడానికి ఆసుపత్రికి వెళ్లిన ఆమెకు, వైద్యులు పొరపాటున ఆరోగ్యంగా ఉన్న మరో పంటిని తొలగించారు.
ఏం జరిగింది? చికిత్స నిమిత్తం ఆసుపత్రికి వచ్చిన మహిళకు, వైద్యుడు అత్యవసరంగా అనస్థీషియా (మత్తు) ఇచ్చారు. మత్తులో ఉండగానే, చెడిపోయిన పంటికి బదులుగా ఆరోగ్యంగా ఉన్న మరో పంటిని పొరపాటున తొలగించారు. చికిత్స ముగిసిన తర్వాత మత్తు వదిలి చూసుకున్న సదరు మహిళ, తనకు నొప్పికలిగిస్తున్న పన్ను అలాగే ఉండటాన్ని, ఆరోగ్యంగా ఉన్న పంటిని తొలగించడాన్ని గమనించి షాక్కు గురయ్యారు.
ఆందోళన: వైద్యుల నిర్లక్ష్యంతో తీవ్రమైన నొప్పిని, నిరాశను ఎదుర్కొన్న ఆ మహిళ, న్యాయం కోసం ఆసుపత్రి ప్రాంగణంలోనే ఆందోళనకు దిగారు. బాధ్యతారాహిత్యంగా వ్యవహరించిన వైద్యులపై చర్యలు తీసుకోవాలని ఆమె డిమాండ్ చేశారు.