పాలక్కాడ్: కేరళలోని పాలక్కాడ్ జిల్లా నాట్టుకల్ ప్రాంతంలో ఫ్రిజ్ పేలి భారీ ప్రమాదం సంభవించింది. నాట్టుకల్ కోట్టోప్పాడం నివాసి అప్పుకుట్టికి చెందిన ఇల్లు ఈ ప్రమాదంలో పాక్షికంగా ధ్వంసమైంది.
అర్ధరాత్రి దాటాక సుమారు గంటన్నర సమయంలో ఈ ఘటన జరిగింది. పేలుడు ధాటికి ఇంటి గోడలు పగుళ్లిచ్చాయి. ఇంట్లోని ఇతర ఎలక్ట్రానిక్ పరికరాలు, సామాగ్రి పూర్తిగా కాలిబూడిదయ్యాయి.
ఆ సమయంలో కుటుంబ సభ్యులంతా సమీపంలోని మారియమ్మన్ కోవెల ఉత్సవానికి వెళ్లడంతో ప్రాణాపాయం తప్పింది. వేడుక ముగించుకుని ఇంటికి తిరిగివచ్చిన కుటుంబ సభ్యులు, ఫ్రిజ్ కాలిపోవడాన్ని గమనించి వెంటనే అగ్నిమాపక సిబ్బందికి సమాచారం అందించారు. షార్ట్ సర్క్యూట్ కారణంగానే ఈ ప్రమాదం జరిగి ఉండవచ్చని ప్రాథమికంగా భావిస్తున్నారు.